Ва ўрадзе адбылося пасяджэнне Набсавета ПВТ пад кіраўніцтвам прэм’ер-міністра Аляксандра Турчына. Там абмяркоўвалі стварэнне паўнавартаснай прававой базы для працы крыптабанкаў і пашырэнне крыптаюрысдыкцыі, паведамляе БЕЛТА.
Ва ўрадзе адбылося пасяджэнне Набсавета ПВТ пад кіраўніцтвам прэм’ер-міністра Аляксандра Турчына. Там абмяркоўвалі стварэнне паўнавартаснай прававой базы для працы крыптабанкаў і пашырэнне крыптаюрысдыкцыі, паведамляе БЕЛТА.
Галоўнай тэмай стала рэгуляванне ў крыптасферы — у бліжэйшыя дні ўступаюць у сілу палажэнні ўказа Аляксандра Лукашэнкі аб крыптабанках. На разгляд Набсавета былі вынесены праекты дакументаў, якія вызначаюць патрабаванні да правілаў унутранага кантролю крыптабанкаў, а таксама патрабаванні да арганізацый, якія хочуць імі стаць, і іх бізнес-праектаў.
Плануецца ўвесці новы від дзейнасці — KYT-правайдараў (Know Your Transaction, «ведай сваю транзакцыю»). Крыптабанкі будуць абавязаны ў рэальным часе аналізаваць транзакцыі, каб выявіць падазроныя і ацаніць іх рызыкі. Гэта павінна забяспечыць бяспеку сектара, адпаведнасць міжнародным стандартам і развіццё беларускіх тэхналагічных рашэнняў. Таксама крыптабанкі атрымаюць магчымасць паўнавартасна абслугоўваць вонкаваэканамічную дзейнасць.
Акрамя таго, на пасяджэнні разглядаліся пытанні развіцця стартап-экасістэмы і адукацыйных ініцыятываў, выдзялення грантаў і стыпендый студэнтам і выкладчыкам, якія маюць практычныя камерцыялізаваныя рашэнні ў сферы высокіх тэхналогій.
Релоцировались? Теперь вы можете комментировать без верификации аккаунта.