Николай Чикишев 16 лютага 2023, 17:47

Навукоўцы выявілі, што зямное ядро складаецца яшчэ з некалькіх слаёў

Міжнародная група навукоўцаў выявіла, што ўнутранае ядро Зямлі складаецца з двух асобных слаёў.

Для гэтага даследчыкі прааналізавалі шматлікія даныя пра тое, як распаўсюджваюцца сейсмічныя хвалі. Геафізікі лічаць, што Зямля складаецца з чатырох асноўных слаёў: кары, мантыі, вонкавага ядра і ўнутранага ядра. Камп’ютарнае мадэляванне паказала, што гэта можа быць не так.

Адрозненні ў траекторыях сейсмічных хваль праз пласты Зямлі. (Stephenson et al., Journal of Geophysical Research: Solid Earth, 2021)

Сейсмічныя хвалі мяняюць свае ўласцівасці, праходзячы праз розныя часткі планеты, і крышталі жалеза, якія складаюць унутранае ядро, хутчэй за ўсё, маюць рознае структурнае размяшчэнне. Пра існаванне ўнутранага пласта ядра падазравалі і раней, але цяпер з’явіліся істотныя доказы.