Навукоўцы БДУ распрацавалі ўнікальны матэрыял для выкарыстання ў космасе. Пра гэта паведамлена на сайце ВНУ.
Гаворка ідзе пра шматмэтавы сцынтыляцыйны матэрыял, які цалкам устойлівы да ўздзеяння касмічнага асяроддзя. Такія матэрыялы — гэта сучасныя і незаменныя злучэнні для рэгістрацыі іанізуючага выпраменьвання, якія шырока выкарыстоўваюцца ў фізіцы высокіх энергій, геафізіцы, медыцыне і радыяцыйнай бяспецы.
Навукоўцы БДУ распрацавалі ўнікальны матэрыял для выкарыстання ў космасе. Пра гэта паведамлена на сайце ВНУ.
Гаворка ідзе пра шматмэтавы сцынтыляцыйны матэрыял, які цалкам устойлівы да ўздзеяння касмічнага асяроддзя. Такія матэрыялы — гэта сучасныя і незаменныя злучэнні для рэгістрацыі іанізуючага выпраменьвання, якія шырока выкарыстоўваюцца ў фізіцы высокіх энергій, геафізіцы, медыцыне і радыяцыйнай бяспецы.
Распрацоўка БДУ прызначана для аснашчэння новага пакалення спадарожнікаў, якія працуюць у калязямной прасторы. У прыватнасці, супрацоўнікі НДІ ядзерных праблем ВНУ ўпершыню на постсавецкай прасторы стварылі ўнікальны матэрыял для рэгістрацыі як электрамагнітнага выпраменьвання, так і нейтронаў. Ён цалкам адаптыўны пад касмічныя ўмовы, вытрымлівае нізкія тэмпературы, успышкі на Сонцы і іншыя высокаэнергетычныя з’явы Сусвету.
Эфектыўнасць і працаздольнасць матэрыялу ўжо пацверджана на практыцы. На яго аснове распрацаваны трэкавы гама-спектрометр для расійскага спадарожніка фармату 16U «Скарпіён» МДУ. Апарат вывелі на арбіту ў мінулым снежні. Ужо атрыманы і аналізуюцца першыя дадзеныя з гэтага спадарожніка. Бартавое навуковае абсталяванне дазваляе праводзіць даследаванні, супастаўныя з задачамі вялікіх спадарожнікаў.
Апарат будзе выконваць тры задачы: сканаванне радыяцыйнай абстаноўкі вакол Зямлі; аналіз успышак святла, гама-прамянёў і зараджаных часціц для вывучэння астрафізічных працэсаў; эксперыменты па ўздзеянні ўмоў космасу на біялагічныя ўзоры. У прыватнасці, трэкавы гама-спектрометр забяспечвае маніторынг радыяцыйнай абстаноўкі ў верхніх пластах атмасферы і ў калязямной касмічнай прасторы.
У рэлізе адзначаецца, што БДУ робіць істотны ўнёсак у развіццё касмічнай галіны ў Беларусі і за яе межамі і што гэта адзіны ўніверсітэт у краіне, які стварыў уласныя касмічныя нанаспадарожнікі, паспяхова выведзеныя на арбіту ў 2018 і 2023 гадах. Сярод дасягненняў ВНУ — дзеючыя на МКС праграмна-апаратныя комплексы, напрыклад, не маючы сусветных аналагаў комплекс для аптычнага дыстанцыйнага зандзіравання Зямлі.
Релоцировались? Теперь вы можете комментировать без верификации аккаунта.