Украінская кампанія адказала распрацоўшчыку-беларусу. Не жадае мець нічога агульнага

Чытач dev.by адправіў рэзюмэ ва ўкраінскую кампанію. Ад рэкруцёра прыйшоў такі адказ:

— Я рэлакейтнуўся, але застаўся ў выніку без працы (сітуацыя са скарачэннямі ні пры чым), — расказаў чытач. — На мінулых выходных вырашыў паглядзець вакансіі ва ўкраінскіх кампаніях, бо ў нашых іх ужо няма, а найманне ў Польшчы вельмі спецыфічнае, да таго ж па многіх вакансіях мой стэк нерэлевантны. Таму стаў разглядаць усе магчымасці для хутчэйшага працаўладкавання. Так на гэтую вакансію і наткнуўся.

Не тое каб такі адказ мяне моцна закрануў. Але атрымаць яго было як мінімум нечакана. Я ніколі не быў прыхільнікам нашага рэжыму. Ніхто з майго кола не падтрымлівае вайны, не атаясамлівае сябе з Z-патрыётамі. Мае сябры амаль усе паспелі прайсці праз арышты, сам я цудам гэтага пазбег. У мяне ёсць сябры ўкраінцы, і тут, у Польшчы, ужо з’яўляюцца знаёмыя з Украіны. Дзіўна бачыць такую рэакцыю.

Тэзісы пра тое, што беларусы не падтрымліваюць вайны, а многія з’язджаюць з краіны, распрацоўшчык коратка выклаў у лісце кампаніі ў адказ. У ім ён таксама нагадаў пра падзеі 2020 года.