Unity выбачылася і абвясціла новыя ўмовы збораў з распрацоўшчыкаў
Пасля масавых абурэнняў з боку распрацоўшчыкаў Unity абнавіла сваю цэнавую палітыку. Камісія ад наступнага года будзе спаганяцца толькі з уладальнікаў падпіскі Unity Pro і Enterprise, а сама сістэма збораў стане больш празрыстай.
Камісія будзе прымяняцца толькі да гульняў з выручкай звыш $1 млн за апошнія 12 месяцаў і агульнай колькасцю ўсталёвак звыш 1 млн.
Яна будзе актуальная толькі для наступнага LTS-рэлізу рухавіка, які выйдзе ў 2024 годзе. Ужо існыя версіі праектаў, створаныя на папярэдніх версіях, не будуць абкладацца камісіяй датуль, пакуль не абновяцца на свежы рэліз.
У распрацоўшчыкаў з’явіцца выбар: або дзяліцца 2,5% выручкі з Unity, або плаціць за ўсталёўкі звыш парога. Для большай празрыстасці Unity будзе спадзявацца толькі на даныя ад кліентаў, а не на ўласныя падлікі. Улічвацца будуць толькі «першапачатковыя ўзаемадзеянні» з гульнёй, то-бок пераўсталёўкі і іншыя выпадкі абкладацца камісіяй не будуць.
Тарыф Unity Personal застанецца бясплатным і не будзе абкладацца зборам. Таксама распрацоўшчыкі цяпер змогуць прыбраць сплэш-скрын «Made with Unity».
Каб дапамагчы распрацоўшчыкам лепш зразумець новую цэнавую палітыку, Unity запусціла спецыяльны анлайн-калькулятар для прыкладнага разліку адсотка ад выручкі і платы за ўсталёўкі.
Читать на dev.by