Алеся Чапкевич world 21 кастрычніка 2026, 17:24

Урады адключаюць сайты праз дзве крытычныя дзіркі ў PHP

Урадавыя парталы ў краінах Еўропы і за яе межамі пачалі адключацца ад сеткі ў сераду, 21 кастрычніка, паведамляе Reuters. Прычынай панікі стала раскрыццё двух крытычных уразлівасцяў у PHP, якія хакеры ўжо пачалі актыўна выкарыстоўваць для ўзломаў.

Пакінуць каментарый

Урады адключаюць сайты праз дзве крытычныя дзіркі ў PHP

Урадавыя парталы ў краінах Еўропы і за яе межамі пачалі адключацца ад сеткі ў сераду, 21 кастрычніка, паведамляе Reuters. Прычынай панікі стала раскрыццё двух крытычных уразлівасцяў у PHP, якія хакеры ўжо пачалі актыўна выкарыстоўваць для ўзломаў.

Распрацоўшчыкі PHP заклікалі адміністратараў тэрмінова абнавіць сістэмы адразу пасля выхаду патчаў. Дзяржаўныя агенцтвы Нідэрландаў і Фінляндыі не сталі чакаць атак і прэвентыўна адключылі свае рэсурсы ад сеткі — без доступу часова апынулася нават Нацыянальнае агенцтва па кібербяспецы Нідэрландаў.

«PHP усюды»: пад пагрозай вялікая частка інтэрнэту

Маштаб праблемы тлумачыцца тым, што PHP служыць падмуркам для вялікай долі вэб-рэсурсаў. Як адзначаюць у ІБ-кампаніі Huntress, «PHP усюды»: гэтая мова забяспечвае працу сайтаў WordPress, Drupal, Joomla, Magento, а таксама платформ сумеснага хостынгу, панэляў кіравання і вялікай колькасці софту, які не афішуе выкарыстанне PHP.

Тэхдырэктар Cloudflare Дэйн Кнэхт пацвердзіў, што кампанія ўжо фіксуе першыя хвалі атак і аператыўна абнаўляе правілы фаервола. Але падкрэсліў, што гэта толькі часовая мера, і адзінае выратаванне — усталяваць афіцыйнае абнаўленне ад распрацоўшчыкаў PHP.

Эксперты абарончага модуля Wordfence папярэдзілі, што абсалютна ўсе сайты на WordPress працуюць на серверах з PHP, прычым аўтаматычныя абнаўленні WordPress саму мову не абнаўляюць. Уладальнікам рэсурсаў рэкамендуюць тэрмінова высветліць, хто адказвае за інфраструктуру і абнаўленне PHP на іх хостынгу.

Кіберведамствы Вялікабрытаніі, Еўропы, Аўстраліі і Японіі выпусцілі экстранныя папярэджанні з заклікам неадкладна ўстанавіць патчы альбо цалкам адключыць вэб-рэсурсы да ліквідацыі пагрозы. Паводле папярэдніх дадзеных, пад удар могуць трапіць усе версіі, пачынаючы з PHP 5, хоць распрацоўшчыкі пакуль не апублікавалі поўны спіс уразлівых рэлізаў.

Выпусціць патчы абяцалі сёння, а 17 гадзіне па Мінску. Абедзве ўразлівасці атрымалі 9.2 з 10 балаў па шкале CVSS v4.0, так што паказчык сапраўды высокі.