Кампаніі ІТ і сувязі нанялі сёлета на траціну больш людзей, чым летась

Паводле даных афіцыйнай статыстыкі, у верасні кампаніі сектара «інфармацыя і сувязь» нанялі 1527 чалавек. Крыху больш (1567) было працаўладкавана ў жніўні.  

Да гэтага працяглы перыяд (ад сакавіка да ліпеня) кампаніі штомесяц наймалі 1,1-1,2 тыс.супрацоўнікаў (менш на 25-40%). Яшчэ больш (на 46%) лічбы наймання ў жніўні-верасні выраслі адносна такога ж перыяду мінулага года. 

Пры гэтым у мінулым годзе толькі ў жніўні і кастрычніку найманне было на ўзроўні або большым за 1 тыс. чалавек. У астатнія месяцы кампаніі наймалі менш за тысячу спецыялістаў. 

Усяго за студзень-верасень гэтага года кампаніі ІКТ узялі на працу больш за 11 тыс.спецыялістаў — на 32% больш, чым за такі ж перыяд мінулага года. Для параўнання: за дзевяць месяцаў 2023 года ў кампаніі ІТ і сувязі працаўладкавалася толькі каля 8,4 тыс. новых супрацоўнікаў. 

Акрамя таго, сёлета кампаніі ІКТ звальняюць менш людзей, чым бяруць на працу, чаго не было летась. 

У верасні кампаніі звольнілі больш за 1,2 тыс. супрацоўнікаў. Столькі ж, колькі і ў жніўні. Сумарна за апошнія два месяцы з кампаній ІТ і сувязі звольніліся на 15% менш людзей, чым летась. 

З аднаго боку, пакуль колькасць супрацоўнікаў, якіх звальняюць штомесяц, прыстойная. У мінулым годзе кампаніі звальнялі людзей значна актыўней. За першыя дзевяць месяцаў 2023 года з кампаній сышлі 14,4 тыс. чалавек. У гэтым годзе колькасць звольненых скарацілася больш чым на чвэрць — да 10,5 тыс. чалавек. 

Усяго па выніках дзевяці месяцаў кампаніі ІТ і сувязі звольнілі на 5,5% менш спецыялістаў, чым узялі на працу.