Стварэнне беларускай батарэі для электратранспарту затармазілася на стадыі пераходу да доследна-канструктарскіх работ, бо для гэтага трэба шмат грошай. Пра гэта ў інтэрв’ю sb.by расказаў намеснік генеральнага дырэктара па эканоміцы і вытворчасці ДНВА «Навукова-практычны цэнтр Нацыянальнай акадэміі навук Беларусі па матэрыялазнаўстве» Аляксандр Казлоў.
Стварэнне беларускай батарэі для электратранспарту затармазілася на стадыі пераходу да доследна-канструктарскіх работ, бо для гэтага трэба шмат грошай. Пра гэта ў інтэрв’ю sb.by расказаў намеснік генеральнага дырэктара па эканоміцы і вытворчасці ДНВА «Навукова-практычны цэнтр Нацыянальнай акадэміі навук Беларусі па матэрыялазнаўстве» Аляксандр Казлоў.
Ён адзначыў, што пры стварэнні ўласнай батарэі для электратранспарту ў НАН не сталі выкарыстоўваць літый-іённую тэхналогію. «Мы пайшлі іншым шляхам: правялі навукова-даследчыя работы і атрымалі нядрэнны вынік па натрый-графенавай батарэі. Зрабілі эксперыментальныя ўзоры, адпрацавалі тэхналогію вытворчасці, атрымалі заключэнні ў незалежных лабараторыях», — сказаў Казлоў. Самакат з такой батарэяй быў прэзентаваны ў 2023 годзе.
Ён дадаў, што камбінацыя натрыю і графену для захоўвання энергіі мае шырокія перспектывы. Сыравіны для вытворчасці гэтых двух матэрыялаў дастаткова, але графен не выпускаецца ў вялікіх прамысловых маштабах праз адсутнасць попыту, хоць, на яго думку, «пры наяўнасці попыту яго выпуск не з’яўляецца праблемай».
Аднак на наступным этапе неабходна пераходзіць ад ручной зборкі батарэй да механізаванай, што патрабуе інвестыцый: «Для развіцця праекта неабходна прымаць пэўныя няпростыя рашэнні. Па-першае, трэба распачынаць доследна-канструктарскія работы. Фактычна неабходна стварыць невялікі рабатызаваны завод для вытворчасці доследных і маласерыйных партый акумулятараў». Паводле яго слоў, на гэта патрабуецца каля 20–25 мільёнаў долараў.
«Мы не сцвярджаем, што стварылі ідэальную батарэю. У працэсе вытворчасці і эксплуатацыі могуць выявіцца важныя нюансы. Для гэтага і патрэбна доследная вытворчасць. Вядома, можна як-небудзь вырашыць праблему і на існуючых магутнасцях і абсталяванні», — дапусціў Казлоў. Ён падкрэсліў, што поўнафарматныя НДКР займаюць гады, і каб скараціць гэты тэрмін, навукоўцам патрэбна новае абсталяванне. Тым больш што «прарыўная ідэя, якая ўчора здавалася інавацыяй, заўтра можа страціць гэты статус».
Паводле яго слоў, навукоўцы шукаюць партнёраў і хацелі б бачыць сярод іх прадпрыемствы рэальнага сектара з вытворчай базай і зацікаўленасцю ў маштабаванні вытворчасці.
«Не хачу нікога крытыкаваць, але многія нашы прамысловыя кампаніі і прадпрыемствы (і дзяржаўныя, і прыватныя) гатовы выкарыстоўваць навуку, але не вельмі хочуць у яе інвеставаць і дзяліць рызыкі. Большасць хоча атрымаць гатовую тэхналогію: паглядзець на яе, памацаць, падлічыць эканамічны эфект, падумаць — і ўжо потым вырашаць, купляць ці не», — паскардзіўся Казлоў.
Рэлацыраваліся? Цяпер вы можаце каментаваць без верыфікацыі акаўнта.
всего то нужно 25 миллионов? один день не обстреливать киев ракетами и вот вам 25 миллионов на ниокр
Зачем вам эти 25 млн? Это всё проделки запада. Настоящий советский человек должен работать за идею - бесплатно.
только попробуй. присядешь по народной статье за одиночный пикет
"двушечка"
Что толку инвестировать в завод, если китайские нитрий-графеновые батареи заведомо дешевле и уже доступны на рынке.
Так цель же не "сделать дешевле", а распилить бабла побольше.
Вы совершенно не понимаете науку в родном отечестве!
Карыстальнік адрэдагаваў каментарый 24 мая 2025, 01:58
караник стал руководителем нан. теперь то 25 миллионов найдется же?