Спецыялісты ў кібербяспецы з аўстралійскага ўніверсітэта Макуоры ў Сіднэі стварылі чатбота, які выдае сябе за чалавека і бярэ скамераў зморам, расказвае PCMag. Задача мадэлі — як мага больш зацягваць дыялог са скамерамі, тым самым зніжаючы колькасць паспяховых махінацый і іхнія даходы.
Спецыялісты ў кібербяспецы з аўстралійскага ўніверсітэта Макуоры ў Сіднэі стварылі чатбота, які выдае сябе за чалавека і бярэ скамераў зморам, расказвае PCMag. Задача мадэлі — як мага больш зацягваць дыялог са скамерамі, тым самым зніжаючы колькасць паспяховых махінацый і іхнія даходы.
Ідэя прыйшла да галавы прафесару ВНУ Далі Каафару. Аднойчы яму патэлефанавалі скамеры — ён пратрымаў іх на лініі 40 хвілін, пакуль забаўляў дзяцей за абедам. Каб не марнаваць і свой час таксама, навуковец вырашыў аўтаматызаваць гэты працэс пры дапамозе АІ, які змог бы падтрымліваць размову з ашуканцамі.
Так з’явіўся чатбот Apate — ён названы ў гонар старажытнагрэцкай багіні хлусні і падману Апаты. У аснове ляжыць тэхналогія накшталт ChatGPT і кланаванне голасу. Каб ён выдаваў больш-менш натуральныя адказы, яго навучалі на расшыфроўках рэальных дыялогаў са скамерамі, уключаючы тэлефанаванні, імэйлы і паведамленні ў сацсетках.
Цяпер Apate выпрабоўваюць на тэставых званках. Пакуль бот у сярэднім трымаецца толькі 5 хвілін. Мэта — давесці працягласць гутаркі да 40 хвілін.
Паводле слоў распрацоўшчыкаў, у пэўным сэнсе чатбот нават перасягнуў чаканні. Напрыклад, часам скамеры запытвалі інфармацыю, для якой бота не рыхтавалі, але яму ўсё роўна ўдавалася выкруціцца са складаных сітуацый.
Як адзначае выданне, скамеры ўжо выкарыстоўваюць АІ у сваіх махінацыях, напрыклад, сінтэз маўлення і дыпфэйкі. Каманда Каафара мае намер змагацца з імі іх жа прыёмамі. Распрацоўшчыкі ўжо вядуць перамовы наконт свайго чатбота з некалькімі аператарамі сувязі.
Рэлацыраваліся? Цяпер вы можаце каментаваць без верыфікацыі акаўнта.