У банку PKO ў замежнікаў пачалі прасіць дакументы, якія пацвярджаюць мэту адкрыцця рахунку

Вось што адказалі ў тэхпадтрымцы PKO: «Так, ад 18 кастрычніка акрамя дакумента, які пацвярджае асобу, неабходна падаць дакумент, які абгрунтоўвае неабходнасць адкрыцця рахунку, напрыклад, захоўванне грашовых сродкаў па працоўнай дамове, умове злецэння або ўмове, а дзела».

Прычым гэтыя патрабаванні вылучаюцца менавіта да замежнікаў.

Нагадаем, што доўгі час у PKO былі адныя з самых простых умоў адкрыцця рахунку. Туды можна было прыйсці толькі з візай і адкрыць рахунак літаральна за дзень. Але сітуацыя змянілася.

Вось што расказалі чытачы Dzik Pic у каментарах: «Якраз на гэтым тыдні хацела адкрыць рахунак у PKO, ад панядзелка яшчэ не атрымала адказу па «верыфікацыі». Папрасілі даць карту побыту, дэцызію да карты побыту, умову, а дзела, дазвол на працу, і дамову аб арэндзе кватэры. Напэўна, пасведчанне аб нараджэнні яшчэ трэба было даць, каб дакладна адкрылі.

Прычым у першы раз прыйшла якраз 18 чысла, былі толькі pdf-кі, мяне развярнулі, сказалі, што патрэбныя арыгіналы ўсіх дакументаў».

Іншы чытач расказаў, што паспрабаваў 21 кастрычніка адкрыць асабісты рахунак у PKO, але ў яго запатрабавалі ўмову, а працэ, злецэння або дзела: «Без гэтага сістэма не дае захаваць заяўку». Так што замест PKO ён звярнуўся ў Millennium з картай побыту і пашпартам і адкрыў там рахунак «за 5 хвілін».