У Беларусі для фізічных асоб хочуць увесці падатак на даходы ад аперацый з токенамі — ужо ад 2025 года

У адпаведнасці з праектам змяненняў даходамі па аперацыях з лічбавымі знакамі (токенамі) па іх набыцці (здабычы, атрыманні), размяшчэнні, адчужэнні (перадачы) прызнаюцца любыя віды даходаў, атрыманыя ад такіх аперацый, у тым ліку ад майнінгу, абмену токенаў на іншыя токены, адчужэння за беларускія рублі, замежную валюту, электронныя грошы.

Не будуць абкладацца падаткам даходы:

• па аперацыях з токенамі, у тым ліку па іх набыцці і (або) рэалізацыі, створанымі рэзідэнтамі ПВТ і (або) праз рэзідэнтаў ПВТ;
• па аперацыях з токенамі, здзейсненых праз рэзідэнтаў ПВТ, якія ажыццяўляюць адпаведны від дзейнасці;
• ад дзейнасці па майнінгу;
• ад абмену токенаў на іншыя токены (за выключэннем даходаў ад незаконнай дзейнасці);
• у выглядзе спадчыны токенаў;
• у выніку дарэння токенаў ад фізічных асоб.

У верасні гэтага года Аляксандр Лукашэнка падпісаў указ «Пра абарачэнне лічбавых знакаў (токенаў)». Указам была ўведзеная забарона на ўгоды з крыптавалютай для фізічных асоб па-за беларускімі крыптабіржамі або абменнікамі. Для юрыдычных асоб такая забарона дзейнічае ад 2017 года.

Пазней ПВТ апублікаваў спіс рэзідэнтаў, якія займаюцца аперацыямі з токенамі. Па інфармацыі Парка, на бягучы момант у Беларусі такіх кампаній 13:

— «АймЭкс Глобал».
— «Альтэрпэй».
— «Брайтум». 
— «Дзеньгі». 
— «Дзеньгі Ком».
— «ДФС». 
— «ЕРПБЕЛ».
— «Новыя лічбавыя інвестыцыі».
— «Піксель Інтэрнет».
— «Прім Брокер». 
— «Уайт Бёрд».
— «Файнекс».
— «Лічба брокер».