Алеся Чапкевич bel 14 кастрычніка 2025, 13:06

У Беларусі хочуць аплочваць дэкрэтны бацькам, але не зусім

У Беларусі могуць зрабіць часткова аплатным 14-дзённы адпачынак для бацькоў пры нараджэнні дзіцяці. Пра гэта агенцтву БелТА расказалі ў Мінпрацы.

Пакінуць каментарый

У Беларусі хочуць аплочваць дэкрэтны бацькам, але не зусім

У Беларусі могуць зрабіць часткова аплатным 14-дзённы адпачынак для бацькоў пры нараджэнні дзіцяці. Пра гэта агенцтву БелТА расказалі ў Мінпрацы.

З 2020 года беларускія бацькі могуць браць два тыдні адпачынку на працягу паўгода пасля нараджэння дзіцяці. Адпачынак ідзе без захавання заработнай платы, калі гэта не прадугледжана дамовай з наймальнікам.

Але ў міністэрстве кажуць, што бацькі такой опцыяй карыстаюцца вельмі рэдка — на іх прыходзіцца да 1% усіх беларусаў, якія знаходзяцца ў адпачынку па доглядзе дзіцяці. Прычына ў тым, што адпачынак не аплочваецца. Але ў арганізацыях, дзе аплочваецца, таты ім карыстаюцца, таму зараз у ведамстве рыхтуюць змены ў Працоўны кодэкс, каб замацаваць частковую аплату.

«Паглядзім, як гэта норма пойдзе. Мы чакаем яшчэ і водгуку наймальнікаў. Дзяржава возьме на сябе абавязацельствы ў памеры 50%, калі норма будзе падтрымлівацца, мяркуем, што і наймальнікі яе падтрымаюць. Але на іх мы такі абавязак не ўскладаем, проста чакаем сацыяльнай адказнасці», — адзначылі ў Мінпрацы. А ў Магілёўскім аблвыканкаме сказалі, што некаторыя арганізацыі нават павялічваюць працягласць гэтага адпачынку і аплочваюць яго.