У Беларусі хочуць стварыць сваю аперацыйную сістэму, браўзер і офісны пакет

Паводле слоў міністра, «задача няпростая». Але міністэрства ўжо распрацавала план дзеянняў па стварэнні «лічбавага суверэнітэту».

«Наяўнасць уласнага сістэмнага праграмнага забеспячэння дазваляе быць незалежнымі ад імпартных рашэнняў і ўпэўненымі ў магчымасці яго самастойнага развіцця (мадыфікацыі) пад патрэбы нашай эканомікі», — заявіў міністр.

Урад збіраецца рэалізаваць пілотныя праекты «з айчыннымі ІТ-распрацоўшчыкамі, якія з’яўляюцца як пастаўшчыкамі, так і карыстальнікамі заяўленых у якасці ключавых лічбавых рашэнняў».

Таксама міністр паведаміў, што зацверджаны пералік напрамкаў для рэалізацыі пілотных праектаў не з’яўляецца канчатковым. Неўзабаве міністэрства абвесціць новыя напрамкі для ўкаранення ў эканоміцы лічбавых рашэнняў, створаных айчыннымі распрацоўшчыкамі.