У Беларусі могуць неўзабаве падаражэць мабільныя тэлефоны і ноўтбукі
Інспекцыя МПЗ па Віцебскай вобласці нагадала, што з 1 кастрычніка ў Беларусі ўводзіцца маркіроўка шэрагу тавараў, у тым ліку мабільных тэлефонаў і ноўтбукаў. Яе планавалі ўвесці яшчэ з мінулага снежня, але адклалі.
Выдача кодаў маркіроўкі будзе ажыццяўляцца выдавецтвам «Белбланкавыд» з 1 жніўня. Прадаваць тавары, што ўвайшлі ў пералік, без маркіроўкі з кастрычніка будзе забаронена.
Лічбавая маркіроўка павінна дазволіць прасачыць увесь шлях такіх тавараў ад вытворцы да спажыўца. Лічыцца, што для бізнесу гэты механізм паскарае і спрашчае дакументаабарот, працэсы ўзаемадзеяння з дзяржавай, а таксама павышае канкурэнтаздольнасць добрасумленных прадпрымальнікаў і зніжае рызыкі здзяйснення здзелак з несумленнымі. Плюс для пакупнікоў у тым, што яны атрымліваюць гарантыю набыцця легальнага тавару.
Аднак маркіроўка тавараў азначае дадатковыя выдаткі для бізнесу, бо спецыяльная налепка патрабуе аплаты. Яна можа быць перакладзеная на рознічны кошт, гэта значыць — у выніку на пакупнікоў.
Читать на dev.by