У Беларусі знайшлося больш за 20 інтэрнэт-наркамаркетаў, але МУС накрыў іх найноўшымі тэхналогіямі
З пачатку 2025 года на тэрыторыі Беларусі «спынена дзейнасць 22 інтэрнэт-наркамаркетаў, перакрыта 24 каналы паступлення забароненых рэчываў» і затрымана больш за 500 збытчыкаў. Пра гэта ў сваім Telegram-канале паведаміла МУС.
«Супрацоўнікамі аналітычнай разведкі з выкарыстаннем найноўшых тэхналогій паспяхова выяўляюцца лічбавыя сляды ў інтэрнэце, у тым ліку ў яго ценявым сегменце», — папярэдзілі ў МУС.
Паводле дадзеных Дзяржаўнага мытнага камітэта, у 2024 годзе было канфіскавана 1,6 тоны наркатычных сродкаў і псіхатропных рэчываў — амаль у 2 разы больш, чым за 2023 год. Зафіксавана 553 факты кантрабанды і незаконнага абароту наркотыкаў, узбуджана 310 крымінальных спраў — на 13% больш, чым у 2023-м.
Нядаўна стала вядома, што МУС будзе мець кругласуткавы доступ да дадзеных аб усіх паштовых адпраўленнях беларусаў. А ў сакавіку паведамлялася, што за апошнія 5 гадоў разумных камер, якія сочаць за беларусамі, стала ў 600 разоў больш.
Читать на dev.by