У Беларусі плануюць увесці аплатны адпачынак для татаў пры нараджэнні дзіцяці, піша БелТА. Пра гэта паведаміла міністр працы і сацыяльнай абароны Наталля Паўлючэнка на міжнародным форуме «Сям’я — аснова дэмаграфічнага патэнцыялу дзяржавы».
У Беларусі плануюць увесці аплатны адпачынак для татаў пры нараджэнні дзіцяці, піша БелТА. Пра гэта паведаміла міністр працы і сацыяльнай абароны Наталля Паўлючэнка на міжнародным форуме «Сям’я — аснова дэмаграфічнага патэнцыялу дзяржавы».
З 2020 года ў Працоўны кодэкс быў уведзены новы від сацыяльнага адпачынку — кароткатэрміновы адпачынак для бацькі, які ён можа ўзяць у першыя 6 месяцаў з дня нараджэння дзіцяці.
«Норма, закладзеная ў заканадаўстве, разглядае магчымасць свабоднай аплаты наймальнікам, то бок па жаданні наймальніка. Мы ўжо вывучылі практыку рэалізацыі гэтай нормы і можам сказаць, што ахоп такім адпачынкам у буйных арганізацыях значна вышэйшы, чым у сярэдніх і малых. Пры гэтым запатрабаванасць адпачынку сярод мужчын, якія маюць на яго права, значна вышэйшая ў арганізацыях, дзе адпачынак аплачваецца. Таму цяпер, працуючы над зменамі ў Працоўны кодэкс, мы абмяркоўваем з наймальнікамі прапанову ўсталяваць аплатны адпачынак для татаў на парытэтнай аснове — за кошт наймальніка і сродкаў сацыяльнага страхавання», — адзначыла Паўлючэнка.
Міністр дадала, што яе ведамства актыўна ўцягвае наймальнікаў у вырашэнне задач сямейнай палітыкі. Так, з 2021 года рэалізуецца праект «Кампаніі, добразычлівыя да бацькоў». Яго задача — паказаць наймальнікам інструменты, якія можна прапанаваць у межах сацпакетаў у інтарэсах супрацоўнікаў з дзецьмі і для прасоўвання сямейна-арыентаванай карпаратыўнай палітыкі. У праекце ўдзельнічае каля 120 арганізацый, але ў міністэрстве лічаць гэта недастатковым. З ліпеня плануецца выходзіць у рэгіёны і праводзіць рэгіянальныя і абласныя семінары, распавяла Паўлючэнка.
Рэлацыраваліся? Цяпер вы можаце каментаваць без верыфікацыі акаўнта.
А, ну то есть половина из ФСЗН, то есть от средней по стране. А вторая половина — от нанимателя, то есть дырка от бублика.