Алеся Чапкевич bel 27 кастрычніка 2025, 12:27

У Беларусі з'явіўся сэрвіс па арэндзе айфонаў

У Беларусі запрацаваў першы ў сваім родзе сэрвіс Onebel — ён прапануе карыстацца гаджэтамі Apple па падпісцы. Пра яго расказаў Office Life.

1 каментарый

У Беларусі з'явіўся сэрвіс па арэндзе айфонаў

У Беларусі запрацаваў першы ў сваім родзе сэрвіс Onebel — ён прапануе карыстацца гаджэтамі Apple па падпісцы. Пра яго расказаў Office Life.

Праект развівае кампанія «ТрастТэхнаРэнтКампані». Яна была зарэгістравана ў чэрвені і спецыялізуецца на арэндзе і лізінгу прылад. Аўтары праекта хочуць «даць людзям доступ да арыгінальнай тэхнікі без неабходнасці адразу ўкладваць буйную суму».

Як адзначае выданне, падпісачная мадэль на беларускім рынку існавала і раней, але непасрэдна ў сферы тэхнікі яна з’явілася ўпершыню. Карыстальнік можа выбраць мадэль тэлефона і тэрмін, а кампанія на аснове гэтага разлічыць месячны кошт падпіскі.

Такая мадэль можа быць цікавай тым, напрыклад, хто хоча пратэставаць гаджэт, які цікавіць, перад пакупкай. У кампаніі запэўніваюць, што ўсе прапанаваныя прылады трапілі ў Беларусь афіцыйна, маюць поўную гарантыю ад прадпрыемства і арыгінальную камплектацыю. Пасля заканчэння падпіскі тэхніку будуць дыягнаставаць і пры неабходнасці рамантаваць.