Тыдзень таму Бізнес саюз прадпрымальнікаў і наймальнікаў праводзіў у Мінску канферэнцыю «Стартап-рух — шанс і сацыяльны ліфт для моладзі Беларусі». Там абмяркоўвалі, з якімі праблемамі сутыкаюцца беларускія стартапы і што робіцца, каб асяроддзе іх існавання стала крыху спрыяльнейшым. Некаторыя дэталі мерапрыемства расказаў Office Life.
Тыдзень таму Бізнес саюз прадпрымальнікаў і наймальнікаў праводзіў у Мінску канферэнцыю «Стартап-рух — шанс і сацыяльны ліфт для моладзі Беларусі». Там абмяркоўвалі, з якімі праблемамі сутыкаюцца беларускія стартапы і што робіцца, каб асяроддзе іх існавання стала крыху спрыяльнейшым. Некаторыя дэталі мерапрыемства расказаў Office Life.
Галоўных цяжкасцяў некалькі, іх агучыў начальнік стартап-цэнтра ПВТ Дзмітрый Мікулка. Перш за ўсё гэта «уцечка мазгоў» і праектаў: таленты з’язджаюць за мяжу, стартапы часта працуюць па заказах іншых кампаній, а не развіваюць свае ідэі. Акрамя таго, беларуская эканоміка, па яго словах, пакутуе ад недахопу інавацый і празмернай залежнасці ад ІТ-аўтсорсінгу. Хоць Лукашэнка нядаўна казаў, што Беларусь — адна з нямногіх краін, дзе ствараюць інавацыйныя тэхналогіі, а не проста маюць іх. Нешта падобнае за дзень да палітыка казаў кіраўнік МЗС Рыжанкоў.
Эксперты, якія сабраліся на канферэнцыі, сцвярджаюць, што Беларусі трэба зрабіць камфортнейшымі ўмовы для існуючых і новых тэхнакампаній. Для гэтага ПВТ ужо дамовіўся супрацоўнічаць з 12 навучальнымі ўстановамі, адкрыў акадэмію для венчурных інвестараў і запусціў сістэму інкубавання для стартапаў.
Дырэктар навукова-тэхнічнага парка «ІнКата» Яўген Мальчэўскі назваў чатыры кампаненты поспеху стартапаў: добрыя інстытуцыйныя ўмовы, доступ да фінансавання, якасная адукацыя і развітая інфраструктура. Па яго словах, запуск інжынернага стартапа ў сярэднім каштуе каля $100 тысяч, а асноўнымі крыніцамі фінансавання павінны быць венчурныя фонды, гранты і крэдыты.
Развіццё інавацый і падтрымку стартапаў у Беларусі забяспечваюць 15 навукова-тэхнічных паркаў і 6 цэнтраў трансферу тэхналогій. Тэхнапаркі даюць падатковыя льготы і фінансаванне, дапамагаюць суправаджаць праекты, праводзяць конкурсы бізнес-ідэй і стартапаў для пошуку перспектыўных.
Беларусь займае 84 месца ў свежым глабальным рэйтынгу стартап-экасістэм ад StartupBlink. Яна з году ў год плаўна апускаецца ў ім з 63 месца, якое займала ў 2020-м.
Рэлацыраваліся? Цяпер вы можаце каментаваць без верыфікацыі акаўнта.
Но главного не сделали ведь. Если вдруг случится так, что Вася создал отличный прибыльный стартап, например по удобным переводам денежных средств между юридическими лицами, и его сервис прямо взлетит - то Васю непременно попросят поделиться долей в бизнесе, а может Вася просто станет директором компании которую он создал, а завтра уже и не директором )))))
Как это было с разработчиками ЕРИП