Ці хочаце бясплатны курс пра AI ад Картынніка? Вось новы праект аўтарскіх анлайн-лекцый

У Беларусі запусцілася Школа кампетэнцый — адукацыйны праект, які прапаноўвае бясплатныя аўтарскія анлайн-курсы па развіцці лідарскіх якасцяў, эфектыўнай камунікацыі і менеджменце, AI, новых тэхналогіях, урбанізме і г. д. 

Першы курс называецца «Твой AI», ад АІ-эксперта Аляксея Картынніка. АйЦіБарада будзе вучыць прымяняць тэхналогіі і інструменты штучнага інтэлекту на прыкладзе сацыяльных праектаў. Усяго восем лекцый на працягу пяці тыдняў, прамая камунікацыя з лектарам, пасля заканчэння абяцаюць сертыфікат. Старт — 17 красавіка, запіс — да 14 красавіка. 

Вось тут можна азнаёміцца з тэмамі лекцый.

Далей заяўленая Аня Пазняк з курсам «Дзёрзкасць весткі» — пра ўстойлівае лідарства ў новай рэальнасці і навыкі.

Далей у планах курсы пад назвай «Urban Fellowship. Праграма пра ўрбанізм сумесна з цэнтрам урбаністыкі і дызайну» і «Lab 35. Інтэнсіў для тых, хто стварае і рэалізуе сацыяльна важныя праекты».