Кіраўніцтва адной з беларускіх арганізацый усталявала камеры для відэаназірання за працоўнымі месцамі супрацоўнікаў у офісе і ў зонах для адпачынку і прыёму ежы. Работнікі паскардзіліся ў Нацыянальны цэнтр абароны персанальных даных (НЦАПД). Спрацавала.
Кіраўніцтва адной з беларускіх арганізацый усталявала камеры для відэаназірання за працоўнымі месцамі супрацоўнікаў у офісе і ў зонах для адпачынку і прыёму ежы. Работнікі паскардзіліся ў Нацыянальны цэнтр абароны персанальных даных (НЦАПД). Спрацавала.
Эксперты ведамства прыйшлі да высновы, што такое відэаназіранне парушае артыкул 4 Закона аб абароне персанальных даных. Ён забараняе празмернасць апрацоўкі персанальных даных у дачыненні да заяўленых мэтаў такой апрацоўкі.
Цэнтр накіраваў у арганізацыю патрабаванне аб спыненні незаконнай апрацоўкі персанальных даных. І яна выключыла працоўныя месцы і зоны для адпачынку і прыёму ежы з ахопу відэакамер.
У 2022 годзе НЦАПД зацвердзіў рэкамендацыі аб апрацоўцы персанальных даных у сувязі з працоўнай і службовай дзейнасцю з улікам беларускага заканадаўства. Як пазначана ў гэтым дакуменце, відэаназіранне на працоўных месцах дапускаецца толькі пры наяўнасці «спецыфічных абставін», якія патрабуюць пастаяннага кантролю. Напрыклад, траўманебяспечныя ўмовы працы, бесперапыннае абслугоўванне кліентаў, праца з матэрыяльнымі каштоўнасцямі (кшталту касіраў на гандлёвых аб’ектах ці ў банках).
Відэаназіранне за офіснымі работнікамі, праца якіх не звязана з падобнымі функцыямі, супярэчыць патрабаванням заканадаўства.
Рэлацыраваліся? Цяпер вы можаце каментаваць без верыфікацыі акаўнта.