Алеся Чапкевич world 12 лістапада 2025, 17:25

У ChatGPT з'явіліся групавыя чаты

OpenAI рыхтуе наладжвальныя групавыя чаты ў ChatGPT. Скрыншотамі новай функцыі падзяліўся ў Х праграміст Тыбар Блахо.

У меню ChatGPT з’явілася кнопка «Start a group chat» — яна дазволіць ствараць гутаркі, у якіх з чат-ботам і паміж сабой змогуць узаемадзейнічаць адразу некалькі карыстальнікаў. Пры націсканні будзе згенеравана спасылка для ўваходу, якой можна будзе падзяліцца з іншымі людзьмі. Ім будуць бачныя папярэднія паведамленні ў групавым чаце. Таксама на панэлі кіравання злева дадаўся раздзел «Group chats».

The first preview of «Group chats» in the ChatGPT web app

— the top navigation bar now has a «Start a group chat» button which allows you to generate a link and share it with others to join this group chat shown in the new sidebar section «Group chats»

— anyone can join your… pic.twitter.com/0cLOX95DPt
— Tibor Blaho (@btibor91) November 10, 2025

Нешта падобнае нядаўна зрабіла Microsoft — у сесію Copilot цяпер можна запрашаць старонніх людзей. Але OpenAI дасць больш інструментаў для кіравання дыялогам, такія як магчымасць кастамізаваць сістэмныя промпты (яны будуць асобнымі ад асабістых наладаў карыстальнікаў) і рэгуляваць, калі менавіта павінен адказваць чат-бот — напрыклад, аўтаматычна або толькі калі яго тэгнулі. Інфармацыя з памяці асабістых чатаў з ChatGPT у групавых даступная не будзе.

Такая функцыя палегчыць абмен ідэямі і сумесную працу над праектамі для каманд. Пакуль яна ў распрацоўцы, і гаворка ідзе пра вэб-версію ChatGPT. Партал Trending Catalog мяркуе, што навінку могуць выкаціць ужо ў снежні.