world 17 ліпеня 2025, 12:01

У ChatGPT з'явіцца анлайн-крама, а OpenAI будзе браць камісіі з пакупак

Кампанія працуе над укараненнем уласнай сістэмы аплаты наўпрост ў інтэрфейс ChatGPT, каб атрымліваць камісію з анлайн-продажаў.

Пакінуць каментарый

У ChatGPT з'явіцца анлайн-крама, а OpenAI будзе браць камісіі з пакупак

Кампанія працуе над укараненнем уласнай сістэмы аплаты наўпрост ў інтэрфейс ChatGPT, каб атрымліваць камісію з анлайн-продажаў.

Пра гэта паведамляе Financial Times са спасылкай на інфармаваныя крыніцы. У перспектыве карыстальнікі змогуць купляць тавары і афармляць замовы, не пакідаючы чат-бот, а прадаўцы — плаціць OpenAI камісію за кожную завершаную ўгоду.

Сістэма ўсё яшчэ знаходзіцца ў распрацоўцы, аднак OpenAI і яе партнёры, уключаючы платформу Shopify, ужо прадстаўляюць раннія версіі брэндам і абмяркоўваюць дэталі супрацоўніцтва і фінансавыя ўмовы. Афіцыйных каментароў ад кампаній пакуль не паступіла.

У выпадку запуску сэрвіс дазволіць OpenAI манетызаваць аўдыторыю ChatGPT не толькі за кошт падпісак, але і за камісіі з анлайн-продажаў. Раней OpenAI ужо запускала функцыі, якія дазваляюць шукаць і праглядаць тавары проста ў чаце, а партнёрства з Shopify было анансавана ў пачатку года.