Алеся Чапкевич world 16 студзеня 2026, 16:27

У Cisco да пошуку спецыялістаў па ШІ падключаюць топ-менеджараў

У Cisco катастрафічна не хапае спецыялістаў па AI і ML Ops, і прыцягваць іх дапамагае кіраўніцтва, піша Business Insider.

Пакінуць каментарый

У Cisco да пошуку спецыялістаў па ШІ падключаюць топ-менеджараў

У Cisco катастрафічна не хапае спецыялістаў па AI і ML Ops, і прыцягваць іх дапамагае кіраўніцтва, піша Business Insider.

Паводле HR-дырэктара кампаніі Келі Джонс, пул кваліфікаваных кандыдатаў вельмі вузкі, а попыт — агромісты, бо зараз за такімі людзьмі палююць літаральна ўсе. Гэтыя ролі патрабуюць рэдкага спалучэння досведу ў ШІ, машынным навучанні і аперацыйных працэсах — і рэальных, працуючых кейсаў за плячыма, піша Business Insider.

Каб атрымаць моцных кандыдатаў, Cisco падключаюць да працэсу найму топ-менеджараў. Калі гаворка ідзе пра стратэгічна важнага кандыдата, яму можа асабіста патэлефанаваць прэзідэнт і дырэктар па прадукце кампаніі Джыту Патэль.

Пры гэтым у Cisco глядзяць не толькі на тэхнічныя навыкі. Важныя дапытлівасць, гнуткасць мыслення і лідарскія якасці — уменне весці за сабой каманду. Таксама кампанія імкнецца быць бліжэй да ШІ-супольнасці — праз выступы топаў, галіновыя мерапрыемствы, рассылкі і прысутнасць там, дзе «жыве» патрэбны талент.

LinkedIn нядаўна апублікаваў спіс прафесій, на якія актыўней за ўсё расце попыт у працадаўцаў. Чатыры месцы ў топавай пяцёрцы занялі спецыялісты, звязаныя з ШІ.