У Еўрасаюзе набыў моц закон пра АІ

Дакумент заснаваны на ацэнцы рызык АІ-сістэм. Асобныя яго палажэнні будуць укараняцца да сярэдзіны 2026 года. Ужо праз паўгода мае быць забяспечанае захаванне забарон на некалькі відаў прымянення АІ у канкрэтных сцэнарах, напрыклад, выкарыстанне аддаленай біяметрыі праваахоўнікамі ў грамадскіх месцах.

У законе замацаваная 4-ступеньчатая градацыя ўжыванняў АІ-сістэм на аснове патэнцыйных рызык. Большасць з іх лічацца «маларызыкоўнымі» і не падпадуць пад рэгуляванне.

Таксама закон прадугледжвае шматузроўневую сістэму пакаранняў. Штрафы вар'іруюцца ад 7% сусветнага гадавога абароту за выкарыстанне забароненых АІ-праграм да 1,5% за даванне рэгулятарам недакладнай інфармацыі.

Важны раздзел новага закона закранае распрацоўшчыкаў «АІ агульнага прызначэння» (General Purpose Artificial Intelligence, GPAI). У дачыненні да іх Еўрасаюз таксама прыняў падыход, заснаваны на ацэнцы рызык — большасці будуць выстаўляцца простыя патрабаванні датычна празрыстасці, і толькі ў выпадку найбольш магутных мадэляў мае ажыццяўляцца ацэнка рызык і меры іх зніжэння.

Канкрэтныя рэкамендацыі для распрацоўшчыкаў GPAI пакуль не выпрацаваныя. Упраўленне АІ (AI Office) — орган стратэгічнага нагляду і пабудовы АІ-экасістэмы — пачатак кансультацыі і заклікала распрацоўшчыкаў да ўдзелу ў працэсе. Цалкам праца над Кодэксам прымянення АІ мае завяршыцца ў красавіку 2025 года.