У Грузіі хочуць ускладніць атрыманне прытулку для замежнікаў

У прыватнасці, МУС Грузіі прапануе:

• уключыць у заканадаўства нормы аб высылцы замежнага грамадзяніна з краіны і забароне на ўезд у краіну на пэўны тэрмін;
• павялічыць штрафы для замежнікаў, якія парушаюць правілы знаходжання ў краіне;
• істотна спрасціць працэдуру выдварэння замежнікаў, што незаконна знаходзяцца на тэрыторыі краіны.

Акрамя таго, дзеля «прадухілення злоўжывання працэдурай надання прытулку» уводзіцца паскораная працэдура разгляду заяў аб наданні прытулку для замежнікаў, якія не падалі заяву на працягу месяца пасля ўезду ў краіну. Таксама ўводзіцца новы механізм, згодна з якім пытанне пра наданне прытулку будзе разглядацца на мяжы без допуску замежніка на тэрыторыю Грузіі, калі яго ўезд уяўляе пагрозу для дзяржаўнай бяспекі.

Таксама прапануецца скараціць тэрміны разгляду і абскарджання заяў аб наданні прытулку, а таксама абмежаваць выдачу дазволу ВНЖ замежнікам, у дачыненні да якіх разглядаецца пытанне аб дэпартацыі або ўжо прынята адпаведнае рашэнне.

Змены ўносяцца, у тым ліку, у Крымінальны кодэкс і Кодэкс аб адміністрацыйных правапарушэннях. МУС Грузіі сцвярджае, што згаданы пакет законапраектаў быў падрыхтаваны ў адпаведнасці з дырэктывамі Еўрапейскага Саюза.

МУС Грузіі Грузіі не публікуе статыстыку пра тое, колькім людзям і з якіх краін было адмоўлена ва ўездзе ў краіну. Паводле афіцыйных дадзеных, толькі ў сакавіку 2025 года з краіны былі дэпартаваныя 97 замежнікаў, у тым ліку грамадзяне Беларусі.

Беларусы могуць знаходзіцца на тэрыторыі Грузіі цягам аднаго года. Паводле стану на пачатак 2025 года ў Грузіі пражывала каля 12 тысяч нашых суайчыннікаў. У 2019–2024 гадах Грузія не надала прытулку ніводнаму беларусу.

«Ёсць варыянт нарадзіць дзіця ў Бразіліі» Як беларусы будуць вырашаць праблему пашпартоў

Па тэме

«Ёсць варыянт нарадзіць дзіця ў Бразіліі» Як беларусы будуць вырашаць праблему пашпартоў