За 2023–2024 год колькасць беларусаў, якія пражываюць у Грузіі, скарацілася больш чым на 1 тысячу чалавек. Пра гэта пішуць беларускія медыа са спасылкай на Нацыянальную службу статыстыкі Грузіі.
За 2023–2024 год колькасць беларусаў, якія пражываюць у Грузіі, скарацілася больш чым на 1 тысячу чалавек. Пра гэта пішуць беларускія медыа са спасылкай на Нацыянальную службу статыстыкі Грузіі.
Калі канкрэтна, на 1127 чалавек. У 2023 годзе ў Грузію ўехала 3557 грамадзян Беларусі, а выехала — 4537, то бок адмоўнае сальда склала 980 чалавек. У 2024 годзе паказчыкі ўезду-выезду склалі 2451 і 2598 адпаведна, адмоўнае сальда — 147 беларусаў.
Беларускія эмігранты масава прыбывалі ў Грузію ў 2022 годзе — тады ў краіну ўехала на 12 509 чалавек больш, чым выехала. У 2021-м станоўчае сальда складала 1426.
Па стане на 1 студзеня 2025 года ў Грузіі знаходзіліся 12 808 мігрантаў з беларускім грамадзянствам. За апошнія чатыры гады сюды ўехала 20 952 чалавекі, а выехала — 8144.
У 2019–2024 гадах улады Грузіі не задаволілі ніводнага хадайніцтва беларусаў аб прытулку. Пры гэтым былі выпадкі адмаўлення ва ўездзе некаторым актывістам пасля абнулення тэрміну дазволенага знаходжання ў краіне.
Паводле свежых звестак Міністэрства ўнутраных спраў Грузіі, у 1 квартале 2025 года было адмоўлена ў наданні прытулку 13 беларусам, у тым ліку двум непаўналетнім. Агульная колькасць адмоў з 2019 года дасягнула 69, з іх 15 выпадкаў — непаўналетнія. Колькасць задаволеных за гэты перыяд заяў роўная нулю.
Рэлацыраваліся? Цяпер вы можаце каментаваць без верыфікацыі акаўнта.
--> И больше отказов по международной защите
Правильно было бы написать "До сих пор ни одного положительного решения по международной защите". А исходя из заголовка можно подумать, что есть и положительные решения