У Шанхаі менеджар па персанале правёў маштабную афёру, стварыўшы фіктыўныя запісы пра 22 неіснуючых супрацоўнікаў і прысабечыўшы больш за 16 мільёнаў юаняў ($2,2 мільёна) у выглядзе зарплаты і выхадных дапамог.
У Шанхаі менеджар па персанале правёў маштабную афёру, стварыўшы фіктыўныя запісы пра 22 неіснуючых супрацоўнікаў і прысабечыўшы больш за 16 мільёнаў юаняў ($2,2 мільёна) у выглядзе зарплаты і выхадных дапамог.
Як паведамляе South China Morning Post, менеджар па персанале працаваў у кампаніі, якая аказвала кадравыя паслугі. Ён адказваў за кіраванне плацежнымі ведамасцямі людзей, якіх накіроўвалі на працу ў тэхналагічную кампанію. Мужчына выявіў, што мае аднаасобныя паўнамоцтвы па афармленні супрацоўнікаў, а яго кампанія не правярала выплаты.
Тады ён стварыў фіктыўны профіль на імя супрацоўніка з прозвішчам Сунь і аформіў зарплату на ягонае імя. Атрыманыя сродкі мужчына пераводзіў на банкаўскую карту, якой кіраваў сам, але якая была аформленая не на яго. Калі кампанія, якая займалася кадравымі паслугамі, заўважыла, што зарплата не паступіла на рахунак Суня, Ян патлумачыў гэта затрымкай з боку банка.
З 2014 года менеджэр сфальсіфікаваў запісы пра 22 неіснуючых супрацоўнікаў, незаконна прысвойваючы іх зарплаты і выхадныя дапамогі. У 2022 годзе фінансавы аддзел кампаніі звярнуў увагу, што супрацоўнік Сунь, чые дадзеныя выкарыстоўваліся ў адной з першых схем, дэманстраваў ідэальную наведвальнасць і своечасова атрымліваў зарплату, аднак ніхто з супрацоўнікаў яго ніколі не бачыў.
Пасля таго як пра інцыдэнт паведамілі ўладам, было праведзена расследаванне наведвальнасці і банкаўскіх транзакцый, якое выявіла васьмігадовую афёру з фіктыўнымі супрацоўнікамі. У выніку мужчына быў асуджаны да дзесяці гадоў і двух месяцаў турэмнага зняволення за крадзеж сродкаў і аштрафаваны. Суд таксама пастанавіў, што ён павінен вярнуць 1,1 мільёна юаняў ($152 000) скрадзеных сродкаў.
Рэлацыраваліся? Цяпер вы можаце каментаваць без верыфікацыі акаўнта.
Мёртвые души