У Кітаі набірае папулярнасць праект Colleague Skill, які дазваляе навучаць ШІ на дадзеных супрацоўнікаў перад іх звальненнем. Тэхналогія ўжо выклікала спрэчкі: карыстальнікі апасаюцца, што кампаніі змогуць захоўваць веды работнікаў і замяняць іх лічбавымі копіямі.
У Кітаі набірае папулярнасць праект Colleague Skill, які дазваляе навучаць ШІ на дадзеных супрацоўнікаў перад іх звальненнем. Тэхналогія ўжо выклікала спрэчкі: карыстальнікі апасаюцца, што кампаніі змогуць захоўваць веды работнікаў і замяняць іх лічбавымі копіямі.
Інструмент, які распаўсюджваецца як open-source, стаў віральным у кітайскай сацсетцы RedNote (Xiaohongshu) і сабраў больш за 8 000 зорак на GitHub. Сутнасць праекта — навучанне ШІ-агента на аснове працоўных даных канкрэтнага супрацоўніка. Карыстальнік загружае перапіску з карпаратыўных чатаў, дакументы, табліцы, электронныя лісты, аўдыязапісы і скрыншоты.
На аснове атрыманых даных сістэма фарміруе лічбавага асістэнта, які ўзнаўляе прафесійныя веды, стыль камунікацыі і логіку прыняцця рашэнняў чалавека. Такі «лічбавы двайнік» здольны адказваць на пытанні, пісаць код паводле тэхнічных заданняў і выконваць працоўныя задачы.
Распрацоўшчык пазіцыянуе інструмент як больш эфектыўны спосаб «развітання» з супрацоўнікам, аднак праект выклікаў неадназначную рэакцыю. Карыстальнікі паведамляюць, што ў некаторых кампаніях работнікаў нібыта просяць падрабязна дакументаваць сваю дзейнасць, пасля чаго звальняюць, а сабраныя даныя выкарыстоўваюць для навучання ШІ-сістэм.
У сацсетках з’явіліся скрыншоты паведамленняў ад «лічбавых двайнікоў» былых супрацоўнікаў, якія працягваюць адказваць калегам пасля іх сыходу.
Карыстальнікі назвалі гэтую практыку «дыстыляцыяй работнікаў» — па аналогіі з метадам навучання мадэляў, пры якім веды «сціскаюцца» з адной сістэмы ў іншую. У адказ пачалі з’яўляцца ахоўныя рашэнні, у тым ліку праект Anti distillation skill, які дазваляе мадыфікаваць дакументы так, каб яны былі менш прыдатныя для навучання ШІ.
Паралельна карыстальнікі пачалі публікаваць альтэрнатыўныя рэпазіторыі, якія прапануюць ствараць лічбавыя копіі не толькі калег, але і кіраўнікоў, партнёраў або нават саміх сябе для вядзення дзелавой перапіскі.
Рэлацыраваліся? Цяпер вы можаце каментаваць без верыфікацыі акаўнта.
этот процесс остановится только когда цена токенов превысит цену живого сотрудника.
разве это уже не случилось ? только нужно считать нормально, сколько опытный разработчик тратит на ревью кода сгенерированного AI + оплата за сам AI + подорожание всего из за AI
а ўжо алічбаваных можна кінуць на "асвабаждзенне" Тайваню