Уласнік кіберспартыўнага клуба ў кітайскай правінцыі Хэбэй знайшоў новую жылу: цяпер ён не толькі рыхтуе прафесійных геймераў, але і дапамагае лячыць гульнявую залежнасць, паведамляе South China Morning Post.
Уласнік кіберспартыўнага клуба ў кітайскай правінцыі Хэбэй знайшоў новую жылу: цяпер ён не толькі рыхтуе прафесійных геймераў, але і дапамагае лячыць гульнявую залежнасць, паведамляе South China Morning Post.
Су Чэньхао адкрыў сваю ўстанову ў 2018 годзе. За гэты час праз клуб прайшло каля 4 тысяч дзяцей. Але Су заўважыў, што сапраўднымі профі робяцца вельмі нямногія фанаты анлайн-гульняў, а больш за 85% дзяцей трапляюць у залежнасць, спрабуючы збегчы ад паўсядзённасці, і падсаджваюцца на іх. Два гады таму Су вырашыў дапамагчы тым, хто не можа справіцца з праблемай сам.
Клуб прапануе дзве праграмы. Адна разлічана на 22 дні і каштуе 10 тысяч юаняў ($1400), другая доўжыцца тыдзень і каштуе некалькі тысяч юаняў. Узносы таксама вагаюцца ад ступені залежнасці і перавагаў бацькоў гульцоў. Дзяцей прымушаюць гуляць з 9 гадзін раніцы да 12 ночы. Перапынкі робяцца толькі на абед і для прабежкі. Сутнасць у тым, што пры такім рэжыме гульні робяцца яшчэ цяжэйшымі, чым вучоба, і жаданне гуляць знікае.
Відавочна, гэта працуе. У аднаго дзіцяці ўжо ў першы дзень пачаліся сутаргі. А іншы на другі дзень расплакаўся і папрасіўся дадому. Выданне адзначае, што гэта не адзіны клуб у краіне, які прапануе такія паслугі.
Рэлацыраваліся? Цяпер вы можаце каментаваць без верыфікацыі акаўнта.