У Літве працягвае зніжацца колькасць беларусаў з ВНЖ. Так, за 1 квартал 2025 года іх стала менш амаль на столькі ж, колькі за ўвесь 2024 год. У 2 квартале падзенне працягнулася, у тым ліку за кошт айцішнікаў. Гэта вынікае са статыстыкі Дэпартамента міграцыі літоўскага МУС.
У Літве працягвае зніжацца колькасць беларусаў з ВНЖ. Так, за 1 квартал 2025 года іх стала менш амаль на столькі ж, колькі за ўвесь 2024 год. У 2 квартале падзенне працягнулася, у тым ліку за кошт айцішнікаў. Гэта вынікае са статыстыкі Дэпартамента міграцыі літоўскага МУС.
Па стане на 1 студзеня ў Літве было 57511 грамадзян Беларусі з ВНЖ усіх тыпаў. З іх 3605 чалавек мелі ВНЖ тыпу Blue Card, які выдаецца высокакваліфікаваным спецыялістам. Менавіта яго часцей за ўсё атрымлівалі супрацоўнікі ІТ-кампаній.
За апошнія паўгода колькасць беларусаў з літоўскімі ВНЖ скарацілася на 8,5% да 52662 чалавек. Таксама да 3363 скарацілася колькасць беларусаў з Blue Card, што прыкладна на 7% менш у параўнанні з пачаткам года. Гэта значыць сярод высокакваліфікаваных спецыялістаў адток крыху менш, чым у цэлым. Але нават пры гэтым беларусы лідзіруюць па колькасці высокакваліфікаваных спецыялістаў у Літве — на іх прыходзіцца больш за 60% ад усіх уладальнікаў Blue Card.
Найбольшае скарачэнне адзначаецца сярод беларусаў са звычайным працоўным ВНЖ. Калі к 1 студзеня такіх было 41450, то зараз — 37 028 чалавек, гэта значыць на 10,5% менш.
Разам з тым за паўгода крыху павялічылася колькасць трымальнікаў гуманітарнага ВНЖ — з 947 да 1050. Рост мог адбыцца як за кошт нядаўна прыехаўшых у Літву па гуманітарных прычынах, так і тых, у каго раней быў Blue Card ці звычайны працоўны ВНЖ.
Рэлацыраваліся? Цяпер вы можаце каментаваць без верыфікацыі акаўнта.
ну значит Литве не нужны квалифицированные высокооплачиваемые айтишники. Может в Польше пригодятся (хотя там польский надо учить)
Каментарый скрыты за парушэнне правілаў каментавання.
Правила тут, их всего 5