Ці будуць у Meta новыя звальненні? Цукербергу не падабаецца, калі «менеджары кіруюць менеджарамі»
Паводле слоў крыніц The Verge, Марк Цукерберг не фанат шматпавярховай карпаратыўнай іерархіі.
«Не думаю, што нам патрэбная такая структура кіравання, пры якой менеджары кіруюць менеджарамі, якія кіруюць менеджарамі, якія кіруюць менеджарамі, якія кіруюць людзьмі, што выконваюць працу», — заявіў кіраўнік Meta падчас адной з сесій пытанняў/адказаў пры канцы студзеня.
Выданне таксама адзначае, што раней у гэтым месяцы дырэктар па прадукце кампаніі Крыс Кокс апублікаваў на ўнутрыкарпаратыўным партале нататку, у якой выказаў неабходнасць зрабіць арганізацыйную структуру Meta больш плоскай.
На думку The Verge, гэта можа казаць пра тое, што ў тэхнагіганце будуць новыя звальненні.
Мінулага лістапада Meta абвясціла пра планы скараціць 13% штату — 11 тысяч супрацоўнікаў, у тым ліку многіх распрацоўшчыкаў.
Читать на dev.by