Николай Чикишев 3 мая 2023, 14:55

У Microsoft Teams з'явілася функцыя аплаты дзелавых сустрэч і вэбінараў

Кампанія дадала сістэму плацяжоў у сваю платформу для сумеснай карпаратыўнай працы Teams.

Цяпер малы і сярэдні бізнэс зможа збіраць плацяжы падчас сустрэч, заняткаў, вэбінараў і г. д. Паслуга пакуль даступная толькі прадпрымальнікам з ЗША і Канады. Новая сістэма дазваляе праводзіць вэбінары і прыватныя сеансы і прымаць за іх аплату. Microsoft запусціла функцыю разам з сэрвісамі GoDaddy, PayPal і Stripe. Функцыя будзе бясплатнай для бізнэс-карыстальнікаў Teams.

Праграма для плацяжоў дазваляе адсочваць атрыманне грошай або любыя непагашаныя плацяжы падчас сустрэчы. Кліентам даецца некалькі варыянтаў для здзяйснення аплаты. Цяпер даступная інтэграцыя Stripe і PayPal у рамках папярэдняй версіі, падтрымка плацяжоў праз GoDaddy з’явіцца неўзабаве. Праграму можна загрузіць у інтэрнэт-краме Microsoft AppSource.