У Міністэрстве адукацыі распавялі, што ўкараняюць новыя адукацыйныя методыкі з-за кліпавага мыслення ў сучасных навучэнцаў — гэта значыць у іх пераважае аўдыёвізуальны тып успрымання інфармацыі. Пра гэта піша БелТА са спасылкай на начальніка галоўнага ўпраўлення прафесійнай адукацыі ведамства Сяргея Пішчова.
У Міністэрстве адукацыі распавялі, што ўкараняюць новыя адукацыйныя методыкі з-за кліпавага мыслення ў сучасных навучэнцаў — гэта значыць у іх пераважае аўдыёвізуальны тып успрымання інфармацыі. Пра гэта піша БелТА са спасылкай на начальніка галоўнага ўпраўлення прафесійнай адукацыі ведамства Сяргея Пішчова.
Па яго словах, асноўная задача сістэмы прафадукацыі — рыхтаваць высокакваліфікаваных спецыялістаў для арганізацый і галін.
«Для вырашэння гэтай задачы ў сістэме адукацыі выкарыстоўваюцца сучасныя методыкі ў частцы ўкаранення лічбавых асісітэнтаў, у тым ліку на аснове тэхналогій і інструментаў штучнага інтэлекту», — распавёў ён. Таксама ў краіне ўзмацняецца практыкаарыентаванасць адукацыйнага працэсу.
Пішчоў дадаў, што заняткі, у тым ліку аўдыторныя, праводзяцца на базе арганізацый, якія замаўляюць кадры.
«Ва ўніверсітэтах і каледжах ствараецца сучасная інавацыйная інфраструктура, закупляецца сучаснае абсталяванне, адкрываюцца новыя лабараторыі для таго, каб студэнты, атрымліваючы прафесійную адукацыю, сапраўды знаёміліся з абсталяваннем, якое будзе на іх першым працоўным месцы», — сказаў Пішчоў. Ён дадаў, што дзякуючы гэтаму выпускнікі поўнасцю паглыбляюцца ў тыя пытанні, праблемы і задачы, якія будуць вырашаць на працы.
Релоцировались? Теперь вы можете комментировать без верификации аккаунта.