У Мінску пройдуць суды яшчэ над двума айцішнікамі. Адзін з іх — System Architect у A1

Пры канцы ліпеня ў Мінску пачнуцца суды над як мінімум яшчэ двума айцішнікамі, паведамляюць незалежныя медыя.

Адзін з іх — 41-гадовы Міхаіл Нязнанаў родам з Бабруйска, добра вядомы ў асяроддзі аматараў бегу, удзельнік паўмарафонаў, гонак з перашкодамі і г. д.

Яго абвінавачваюць па двух артыкулах: 361-2 (фінансаванне экстрэмісцкай дзейнасці) і ч. 2 361-3, якую звычайна выстаўляюць тым, хто пералічваў грошы на ваенную дапамогу Украіне. Па іх айцішніку пагражае ад 5 да 10 гадоў пазбаўлення волі. Суд запланаваны на 23 ліпеня.

Другі — 43-гадовы Максім Рэмезаў, які апошнім часам працаваў сістэмным архітэктарам у кампаніі A1. Ён таксама захапляецца бегам, удзельнічаў у аматарскіх чэмпіянатах па марафонскім бегу ў трыятлоне.

Максіму выстаўленыя тыя ж самыя артыкулы, што і Міхаілу. Адпаведна яму таксама пагражае да 10 гадоў пазбаўлення волі. Суд пачнецца 31 ліпеня.