У Нацбанку патлумачылі, як павінны працаваць замежныя маркеплейсы

Ён падкрэсліў, што анлайн-гандаль моцна ўплывае на эканамічнае развіццё краіны, у тым ліку за кошт зніжэння транзакцыйных выдаткаў і таго, што пакупнікам становіцца даступны шырокі круг тавараў па больш нізкіх цэнах. Гэта добрае, а дрэннае для эканомікі звязана з ростам імпарту. Для зніжэння рызык анлайн-платформы павінны напаўняцца беларускімі таварамі і прыводзіць да скарачэння ланцужкоў паставак ад вытворцы да спажыўца.

А галоўнае — беларускія прадпрыемствы павінны выкарыстоўваць міжнародныя анлайн-платформы для «прасоўвання нашай прадукцыі і для максімізацыі даходнасці экспарту». «Важна работа платформаў у абодва бакі — гэта значыць не толькі сюды павінен прыходзіць імпартны тавар, але і адсюль ісці тавар на экспарт», — цытуе Ягорава БелТА.

Асобна ён выказаўся аб механізме работы замежных маркетплэйсаў у Беларусі — яны павінны плаціць тут падаткі і ўкладваць грошы. «Задача ў тым, каб тыя платформы, якія прыходзяць на беларускі рынак, працавалі па правілах, якія ёсць у Беларусі, і праз беларускіх рэзідэнтаў, гэта значыць выплачвалі тут падаткі, плацілі заработную плату людзям, будавалі тут лагістычныя цэнтры, гэта значыць, па сутнасці, ажыццяўлялі інвестыцыі», — адзначыў Ягораў.

«Калі гэта ўсё выконваецца, то істотнай рызыкі ад гэтых платформаў для нас не будзе. Гэта такія ж драйверы росту для нас, як і іншыя пляцоўкі», — падсумаваў намеснік старшыні праўлення Нацбанка.