У нью-ёркскіх школах забаранілі выкарыстоўваць ChatGPT — і вучням, і настаўнікам

Бан распаўсюджваецца на школьныя прылады і сеткі. Пры гэтым асобныя школы змогуць запытаць доступ да ChatGPT у мэтах вывучэння штучнага інтэлекту і іншых тэхналогій.

У каментары выданню ўлады адзначылі, што заклапочаныя магчымым негатыўным уплывам, якое чатбот можа аказаць на працэс навучання, а таксама «бяспекай і правільнасцю» яго адказаў. Там дадалі, што інструмент дазваляе хутка і проста атрымаць адказы на пытанні, але пры гэтым не спрыяе развіццю ў дзяцей навыкаў рашэння задач і крытычнага мыслення, важных у вучобе і жыцці.

Раней ChatGPT забаніў StackOverflow, спаслаўшыся на тое, што пляцоўку апанавалі няякасныя, хоць і лёгка даступныя адказы. Microsoft між тым хоча ўкараніць чатбот у свой пашукавік, каб стаць лепшай за Google. Зрэшты, нават сам кафаўндар OpenAI Сэм Альтман у снежні казаў, што пакуль ChatGPT вельмі абмежаваная і выкарыстоўваць яе ў сур’ёзных праектах яшчэ рана.

У сеціве набірае папулярнасць новы чатбот ChatGPT. Адныя кажуць, што ён лепшы за Google, іншыя — баняць

Па тэме

У сеціве набірае папулярнасць новы чатбот ChatGPT. Адныя кажуць, што ён лепшы за Google, іншыя — баняць

Washington Post пісаў, што ў некаторых настаўнікаў пасля рэлізу нейрасеткі была ледзь не паніка, бо дзеці могуць «спісваць» у яе на праверачных і даваць ёй вырашаць за іх заданні. New York Times у нядаўнім эксперыменце прапанаваў групе пісьменнікаў і выкладчыкаў прачытаць тэксты студэнтаў і ChatGPT — ніхто з упэўненасцю не змог адрозніць напісанае чалавекам і машынай.

Цікавае меркаванне самой ChatGPT наконт гэтай гісторыі. «Важна ўлічваць патэнцыйныя рызыкі і перавагі выкарыстання ChatGPT у адукацыі, а таксама старанна ацэньваць факты, перш чым прымаць рашэнне. Таксама неабходна прыслухоўвацца да пункту гледжання і асцярог усіх зацікаўленых асоб, у тым ліку выкладчыкаў, вучняў і іх бацькоў, каб прымаць інфармаваныя і справядлівыя рашэнні», — напісаў АІ.

Microsoft хоча ўбудаваць у пошук ChatGPT — «забойцу Google»

Па тэме

Microsoft хоча ўбудаваць у пошук ChatGPT — «забойцу Google»

У Google «б’юць трывогу» праз новы чат-бот ChatGPT

Па тэме

У Google «б’юць трывогу» праз новы чат-бот ChatGPT