Николай Чикишев world 2 снежня 2025, 10:03

У адказах ChatGPT з'явілася рэклама

Карыстальнікі ChatGPT пачалі паведамляць пра з’яўленне ўбудаваных рэкамендацый старонніх сэрвісаў — Peloton, Spotify, Target і іншых — нават у тых выпадках, калі іх запыты ніяк не былі звязаныя з гэтымі аплікацыямі.

Пакінуць каментарый

Карыстальнікі ChatGPT пачалі паведамляць пра з’яўленне ўбудаваных рэкамендацый старонніх сэрвісаў — Peloton, Spotify, Target і іншых — нават у тых выпадках, калі іх запыты ніяк не былі звязаныя з гэтымі аплікацыямі.

Адзін з карыстальнікаў X Юхэнь Цзінь заўважыў, што падчас абмеркавання падкаста Ілана Маска яму было прапанавана «Знайсці заняткі па фітнэсу і падключыцца да Peloton». Ён падкрэсліў, што карыстаецца тарыфам Pro за $200 у месяц, і здзівіўся таму, што рэклама з’явілася ў недарэчным кантэксце.

Wow, ChatGPT is already showing ads?

I was just talking with it about Elon on Nikhil’s podcast when out of nowhere it popped up an ad saying, «Find a fitness class, Connect Peloton.» 🤯

Wild. At least match the ad to the topic next time! https://t.co/U4QMmiGbRn pic.twitter.com/s9uREIlB50
— Yuchen Jin (@Yuchenj_UW) December 1, 2025

Інтэграцыі з аплікацыямі накшталт Peloton былі даданыя ў ChatGPT у кастрычніку гэтага года. Імі можна карыстацца бясплатна — дастаткова выклікаць патрэбны сэрвіс праз сімвал «@». Аднак цяпер сістэма пачала аўтаматычна прапаноўваць падключыць Spotify, Expedia ці Target, што многія ўспрынялі як элементы прыхаванай рэкламы.

Паралельна з’явіліся падазрэнні, што OpenAI можа рыхтавацца да запуску паўнафарматнай крамы аплікацый унутры ChatGPT. Напрыклад, распрацоўшчык Цібар Блаха расказаў, што выявіў у кодзе бэта-версіі аплікацыі для Android механізмы, звязаныя з рэкламай: «вітрыны кантэнту», «рэкламу ў пошуку» і «карусель пошукавай рэкламы».

Дадатковым пацвярджэннем гэтых планаў карыстальнікі лічаць вакансію інжынера па ўкараненні маркетынгавых інструментаў, якую апублікавала OpenAI. Раней The Information паведамляла, што OpenAI мае намер павялічыць даходы ад карыстальнікаў без падпіскі, але якія менавіта мадэлі манетызацыі для гэтага рыхтуюцца, кампанія не раскрывала.