Сбербанк пачаў тэставаць аплату праезду банкаўскай карткай у аўтобусах у Баранавічах, піша myfin.by. Гэта пілотны праект, ён рэалізаваны сумесна з ІТ-кампаніяй «Міжнародны дзелавы альянс» і гарадскім аўтобусным паркам.
Сбербанк пачаў тэставаць аплату праезду банкаўскай карткай у аўтобусах у Баранавічах, піша myfin.by. Гэта пілотны праект, ён рэалізаваны сумесна з ІТ-кампаніяй «Міжнародны дзелавы альянс» і гарадскім аўтобусным паркам.
Аплаціць праезд карткай пакуль можна толькі на 16 маршруце — адным з самых папулярных — у аўтобусах, якія абсталяваны валідатарамі.
Для аплаты трэба проста паднесці картку да валідатара. Транзакцыя займае долі секунды. Кошт праезду роўны цане папяровага білета — 90 капеек. Сістэма падтрымлівае карткі Белкарт, Visa і Mastercard любога беларускага банка.
У выпадку поспеху праект могуць масштабаваць на іншыя маршруты.
У Сбербанку адзначаюць, што аплачваць праезд у салоне аўтобуса хутка і зручна. Аналагічная сістэма ўжо дзейнічае ў тралейбусах Магілёва, і ёй карыстаюцца ўсё больш людзей. З моманту ўкаранення ў лютым пасажыры аплацілі праз яе больш за мільён паездак. Акрамя таго, у Мінску банк укараніў аплату карткамі на турнікетах у метро і на гарадскіх лініях БЧ.
Релоцировались? Теперь вы можете комментировать без верификации аккаунта.