У Польшчы працуе больш за мільён замежнікаў — статупраўленне

Адносна невялікі рост можа быць звязаны з тым, што «рэзервы культурна блізкіх эмігрантаў з Беларусі або Украіны ўжо вычэрпваюцца».

«Для многіх замежнікаў Польшча па-ранейшаму з’яўляецца толькі транзітнай краінай, а не пунктам прызначэння, — піша Оbserwatorgospodarczy. — Прычыны такога стану рэчаў не толькі фінансавыя. У такіх краінах, як Германія, Швецыя і Францыя, значна больш імігрантаў, таму замежнікам лягчэй падтрымаць сваіх суайчыннікаў».

Колькі беларусаў і ўкраінцаў

У лік найбуйнейшых груп імігрантаў, якія працуюць у Польшчы, уваходзяць грамадзяне:

— Украіны (692 тысячы);

— Беларусі (117 тысяч);

— Грузіі (25 тысяч);

— Індыі (19 тысяч);

— Малдовы (13 тысяч);

— Філіпін (10 тысяч).

Большасць працуючых замежнікаў складалі мужчыны. Аднак іх доля знізілася з 64,7% пры канцы студзеня 2022 года да 59,6% пры канцы сакавіка 2024 года.

Дзе жывуць і працуюць

Большасць працуе ў Варшаве (200 тысяч чалавек).

Таксама мігранты працуюць у Ніжняй Сілезіі (116 тысяч), Вялікапольскім рэгіёне (108 тысяч) і Сілезскім ваяводстве (88 тысяч).

Менш за ўсё працуючых імігрантаў можна знайсці ў Свентакшыскім ваяводстве (8,5 тысячы) і ў Варміі і Мазурах (13,5 тысячы).

Праца імігрантаў у Польшчы спрыяе папаўненню кадравага дэфіцыту ў многіх галінах эканомікі, адзначаюць аўтары. Паводле звестак на снежань 2023 года, галіна, у якой часцей за ўсё працаўладкаваныя замежнікі, — гэта адміністрацыйныя паслугі і дапаможная дзейнасць (218 тысяч). Сюды, напрыклад, уваходзіць падтрыманне парадку ў дамах або зялёных зонах.

Іншымі галінамі, у якіх занята шмат замежнікаў, з’яўляюцца прамысловая апрацоўка (180 тысяч), транспарт і складаванне (150 тысяч) і будаўніцтва (119 тысяч).

Пры гэтым ZUS на снежань 2023-га выплаціў прыезджым розных дапамог агулам на 21,5 млн злотых. Гэта 0,079% ад агульнай сумы пенсій і дапамог па інваліднасці.