У Польшчы вырашылі не прымаць «драконаўскі» законапраект з падаўжэннем тэрмінаў для грамадзянства

За тое, каб адхіліць праект, прагаласавалі партыі KO, PSL-TD, Polska2050, Lewica, Razem (усяго — 240 галасоў). Супраць адхілення — PiS і «Канфедэрацыя» (усяго — 200).

Праект быў вылучаны у мінулым кастрычніку. Галоўныя прапановы:

• патрабаваць у саіскальнікаў даведку аб несудзімасці ў краіне свайго грамадзянства — што для беларусаў можа быць даволі складана, падкрэслівае DzikPic;
• павялічыць тэрміны пражывання, неабходнага для падачы на грамадзянства, з 8 да 15 гадоў па агульных падставах. Для людзей з картай паляка прапаноўвалася падоўжыць знаходжанне на ПМЖ з 1 года да 5 гадоў, а для сужэнцаў польскіх грамадзян — увесці формулу «5 гадоў пражывання на карце рэзідэнта + 6 гадоў шлюбу» замест «2 гады пражывання на карце + 3 гады ў шлюбе»;
• патрабаваць, каб саіскальнік не карыстаўся сацыяльнымі выплатамі апошнія 5 гадоў перад падачай і меў станоўчую ацэнку каменданта паліцыі па сваім месцы жыхарства за апошнія 10 гадоў;
• падняць узровень польскай мовы, неабходны для падачы на грамадзянства, з В1 да C1 і ўвесці дзяржіспыт па ведах пра Польшчу.

Офіс, які ацэньвае магчымыя наступствы заканадаўчых праектаў, прыйшоў да высновы, што такі закон прывёў бы да дыскрымінацыі і маргіналізацыі іншаземцаў і адтоку рабочай сілы.

Але гэта не адзіны законапраект, за якім варта сачыць — свае ідэі ёсць у польскага МУС. Там прапануюць не змяняць тэрміны пражывання, а павысіць іншыя патрабаванні:

• падняць узровень ведання польскай мовы з B1 да B2;
• увесці спецыяльную дэкларацыю лаяльнасці ў адносінах да Польшчы;
• абавязаць здаць грамадзянскі іспыт, які пацвярджае «высокі ўзровень грамадска-грамадзянскай інтэграцыі». Будуць правяраць, напрыклад, веданне ключавых дат гісторыі і асноў грамадскага парадку.

Пакуль праект афіцыйна не апублікаваны. На сёння закон аб грамадзянстве застаецца без зменаў, адзначае DzikPic.

У Польшчы прапануюць чакаць грамадзянства 15 гадоў і здаваць мову на С1

Па тэме

У Польшчы прапануюць чакаць грамадзянства 15 гадоў і здаваць мову на С1

Тэст і «дэкларацыя лаяльнасці»: у Польшчы чарговая прапанова па пастражэнні падачы на грамадзянства, на гэты раз ад МУС

Па тэме

Тэст і «дэкларацыя лаяльнасці»: у Польшчы чарговая прапанова па пастражэнні падачы на грамадзянства, на гэты раз ад МУС

Калі вы хочаце атрымаць польскае грамадзянства, але не хочаце вывучаць мову і культуру, для вас дрэнныя навіны

Па тэме

Калі вы хочаце атрымаць польскае грамадзянства, але не хочаце вывучаць мову і культуру, для вас дрэнныя навіны