Расійскае Мінлічбы праводзіла праверку акрэдытацыі ІТ-кампаній. Месца ў рэестры захавалі 17 тысяч кампаній, а 2 тысячы не змаглі прайсці яе праз нізкі ўзровень заробкаў. Пра гэта піша «Камерсант» са спасылкай на прэс-службу ведамства.
Расійскае Мінлічбы праводзіла праверку акрэдытацыі ІТ-кампаній. Месца ў рэестры захавалі 17 тысяч кампаній, а 2 тысячы не змаглі прайсці яе праз нізкі ўзровень заробкаў. Пра гэта піша «Камерсант» са спасылкай на прэс-службу ведамства.
«Каля 2 тыс. кампаній не змаглі захаваць акрэдытацыю, бо ўзровень заробку ў іх не адпавядаў сярэдняму ў краіне або рэгіёне, дзе яны зарэгістраваныя. Пры гэтым у рамках праверкі браўся меншы з двух варыянтаў», — гаворыцца ў паведамленні.
Гэта была першая праверка ад таго моманту, як у 2022 годзе змяніліся правілы акрэдытацыі ІТ-кампаній і быў уведзены механізм пацверджання адпаведнасці профілю дзейнасці. Працэдура завяршылася 21 ліпеня. Кампаніі, якія не прайшлі праверкі, могуць падаць заяву на акрэдытацыю паўторна.
12 мая кіраўнік Мінлічбы Расіі Максут Шадаеў папярэджваў, што з рэестра акрэдытаваных ІТ-кампаній могуць выключыць тыя, якія не адпавядаюць сярэдняму ўзроўню заробку. Ён таксама казаў, што 1 чэрвеня Мінлічбы можа выключыць з рэестра 2 тысячы прадпрыемстваў, якія не далі згоды на раскрыццё звестак, што складаюць падатковую тайну.
Рэлацыраваліся? Цяпер вы можаце каментаваць без верыфікацыі акаўнта.
А что случилось?