У Расіі перастала працаваць рэгістрацыя ў Google па нумары тэлефона

Пры спробе стварыць акаўнт Google на тэлефон з кодам +7 незалежна ад аператара выдаецца памылка: «Гэты нумар няможна выкарыстоўваць для пацверджання». Зарэгістраваць новы акаўнт Google без пацверджання нумара немагчыма.

У даведцы Google не паведамляецца пра ніякія абмежаванні на рэгістрацыю. Праблема назіраецца ў тым ліку пры выкарыстанні VPN.

ТАСС адзначае, што некаторыя сэрвісы, якія пайшлі з Расіі, таксама прыбіралі магчымасць пацвердзіць акаўнт па расійскім нумары, але тады знікала і сама магчымасць выбраць тэлефонны код +7. У Google яна пакуль захоўваецца.