У Расіі рэзка ўпаў попыт на мабільных праграмістаў — асабліва на «джуноў» і iOS-распрацоўшчыкаў

Эксперты называюць дзве асноўныя прычыны таго, што адбываецца, і абедзве звязаныя з заходнімі санкцыямі супраць Расіі: вельмі аператыўныя ўцёкі з мясцовага рынку замежных кампаній, якія маглі перастаць наймаць расійскіх мабільных распрацоўшчыкаў, і абмежаванні з боку Apple і Google. Дзве кампаніі забаранілі расійцам публікаваць новыя платныя праграмы ў сваіх крамах, а таксама абнаўляць ужо наяўныя. Частку платных утыліт Google і Apple увогуле выдалілі.

Паводле даследавання «Тэхнакратыі», зніжэнне тэмпаў наймання закранула ў большай ступені тых, хто піша софт пад iOS — ад чэрвеня 2022 года колькасць адкрытых вакансій для iOS-распрацоўшчыкаў упала на 29,9%. Тыя, хто піша пад Android, запатрабаваныя больш — тут падзенне склала толькі 13,5%. Гэта можа быць звязана з папулярнасцю Android на тэрыторыі Расіі (паводле даных StatCounter, доля гэтай АС у ліпені склала 72,85% супраць 26,85% у iOS), а таксама з байкотам смартфонаў Apple у міністэрствах краіны.

Расійскаму рынку выявіліся не вельмі патрэбнымі мабільныя распрацоўшчыкі пачатковага ўзроўню. Кампаніі нацэленыя наймаць у першую чаргу сеньёраў, але гатовыя разгледзець і мідлоў. Тлумачыцца гэта тым, што бізнэс закрывае патрэбы ў распрацоўшчыках-пачаткоўцах праз уласныя праграмы стажыроўкі і пры дапамозе супрацоўніцтва з адукацыйнымі пляцоўкамі, ВНУ і edtech-кампаніямі. У ІТ-галіне ў цэлым толькі 5% кампаній зацікаўленыя ў джунах, 56% патрэбныя сеньёры, 39% — мідлы.

У Расіі пазбавілі акрэдытацыі 2 тысячы ІТ-кампаній праз нізкія заробкі

Па тэме

У Расіі пазбавілі акрэдытацыі 2 тысячы ІТ-кампаній праз нізкія заробкі