У Расіі збіраюцца блакаваць любыя VPN-сэрвісы налета
Раскамнагляд плануе ад 1 сакавіка 2024 года блакаваць VPN-сэрвісы ва ўсіх крамах праграм, уключаючы Google Play і AppStore, калі яны будуць даваць доступ да забароненых у краіне рэсурсаў. Пра гэта «РИА Новости» паведаміў намеснік старшыні Савета па развіцці лічбавай эканомікі пры Савеце Федэрацыі сенатар Арцём Шэйкін.
«Ад 1 сакавіка 2024 года ўступіць у сілу загад, згодна з якім VPN-сэрвісы, якія даюць доступ на забароненыя ў Расіі сайты, будуць заблакаваныя Раскамнаглядам ва ўсіх маркетах», — сказаў сенатар.
Загад тычыцца і тых VPN-сэрвісаў, якія даюць доступ, у прыватнасці, да забароненага ў Расіі Instagram.
«Адзначу, што асабліва важна абмежаваць доступ грамадзян да прадуктаў кампаніі Meta, якая прызнаная экстрэмісцкай арганізацыяй», — заявіў Шэйкін.
Таксама Раскамнагляду было даручана праверыць выкананне VPN-сэрвісамі заканадаўства Расіі ў мясцовай краме Android-праграм RuStore і пры неабходнасці заблакаваць гэтыя сэрвісы.
Читать на dev.by