У Расіі павялічылі ўзрост адтэрміноўкі для айцішнікаў да 30 гадоў
Уладзімір Пуцін падпісаў указ аб павышэнні ўзросту адтэрміноўкі ад тэрміновай службы ў войску для супрацоўнікаў ІТ-кампаній да 30 гадоў, паведамляе news.ru.
Раней адтэрміноўка давалася да 27 гадоў. Новыя правілы пачнуць дзейнічаць ад 1 студзеня 2024 года. Адпаведны дакумент апублікаваны на афіцыйным партале нарматыўна-прававых актаў.
Такім чынам, у вясновы прызыў адтэрміноўку ад тэрміновай службы ў войску змогуць атрымаць супрацоўнікі ІТ-кампаній ва ўзросце ад 18 да 30 гадоў. У восеньскі прызыў гэтага года ўзроставыя крытэрыі застаюцца ранейшымі — ад 18 да 27 гадоў.
На пачатку жніўня стала вядома, што Мінпрацы Расіі рыхтуе змены ва ўказ прэзідэнта краіны аб мерах падтрымкі ІТ-галіны, якія маюць на ўвазе павелічэнне да 30 гадоў узросту адтэрміноўкі для супрацоўнікаў акрэдытаваных кампаній.
Читать на dev.by