У сеціве з'явіліся характарыстыкі PlayStation 5 Pro
Інсайдары раскрылі характарыстыкі новай кансолі, якая будзе паказаная ў верасні наступнага года. Значнае паляпшэнне прадукцыйнасці прывядзе да павышэння цаны.
Паводле даных карыстальнікаў, праект Sony носіць унутраную назву Trinity. Гульнявыя студыі ўжо пачалі атрымліваць дэўкіты PlayStation 5 Pro — прататыпы кансоляў, патрэбныя, каб распрацоўшчыкі змаглі зрабіць гульні да выхаду прыстаўкі. На гульнявым форуме ResetEra ўладальнікі дэўкітаў апублікавалі інфармацыю аб характарыстыках новай кансолі.
Прылада значна павысіць прадукцыйнасць дзякуючы выкарыстанню перадавых тэхналогій AMD. Чаканыя характарыстыкі кансолі наступныя:
- Тэхналогія працэсара TSMC N4P
- Графічны працэсар GFX1115
- Цэнтральны працэсар на базе архітэктуры Zen2 з пікавай частатой 4,4 ГГ
- Частата GPU 2,0 ГГц з пікавай прадукцыйнасцю ў 28,67 TFLOP
- Палепшаная растэрызацыя, якая пераўзыходзіць папярэднія мадэлі «Oberon» і «Oberon+» на 50-60%
- Тэхналогіі «Trinity» ўключаюць хуткае сховішча, паскораную трасіроўку прамянёў і маштабаванне
- 16 ГБ памяці GDDR6 з прапускной здольнасцю 576 ГБ/с
- Архітэктура RDNA 3 з палепшанай трасіроўкай прамянёў з RDNA 4
Судзячы з уцечкі, перавагай Pro-версіі будзе AMD XDNA 2 — дадатковы чып, які будзе адказваць за нейрасеткі і АІ-вылічэнні. Працэсар здольны забяспечваць стабільную якасць выявы ў 4K з частатой большай за 30 кадраў на секунду. Sony можа паказаць некаторыя інструменты паляпшэння графікі і плаўнасці ў гульнях, якія будуць пабудаваныя на базе штучнага інтэлекту.
Читать на dev.by