Алеся Чапкевич bel 22 жніўня 2025, 10:36

У наступным перапісе беларусаў прыме ўдзел ШІ

Кіраўніца Белстата Іна Мядзведзева ў інтэрв’ю БелТА заявіла, што ў наступным перапісе насельніцтва для апрацоўкі дадзеных будзе выкарыстаны штучны інтэлект.

Пакінуць каментарый

Кіраўніца Белстата Іна Мядзведзева ў інтэрв’ю БелТА заявіла, што ў наступным перапісе насельніцтва для апрацоўкі дадзеных будзе выкарыстаны штучны інтэлект.

Як і ў мінулы раз, будуць задзейнічаны інтэрнэт і планшэты. «Спадзяёмся, што ў 2029 годзе атрымаем значна большы працэнт людзей, якія пройдуць перапіс па інтэрнэце. Мы таксама разглядаем пытанні падлучэння штучнага інтэлекту на пэўных этапах апрацоўкі інфармацыі», — адзначыла Мядзведзева.

Будуць выкарыстоўвацца адміністрацыйныя рэсурсы і папярэдняе запаўненне, але на некаторыя пытанні трэба будзе адказаць самому — напрыклад, аб занятасці і міграцыі.

У перапісе 2019 года, паводле словаў чыноўніцы, у інтэрнэце анкету запоўнілі 22% насельніцтва Беларусі. Кажа, што ў такім фармаце нават лепш, бо анкеты атрымліваюцца больш поўнымі — праграма не дазваляе пакінуць без адказу ніводнае пытанне.

«З улікам таго, што мы выходзілі на безпапяровы перапіс, то як на планшэтах, так і ў інтэрнэце ў нас былі лагічныя, арыфметычныя кантролі, якія дазвалялі дасягнуць максімальнай якасці атрыманых вынікаў», — паспрабавала растлумачыць Мядзведзева.