У ЗША арыштавалі бізнэсмена, якога падазраюць у незаконным экспарце мікрасхем у Расію

Паводле звестак Мінюста ЗША, Кан валодае амерыканскімі кампаніямі Senesys Incorporated і Sensor Design Association. Яны займаюцца распрацоўкай праграмнага забеспячэння і тэсціраваннем крэмніевых пласцін, якія выкарыстоўваюць у ваеннай авіяцыі і касмічнай вытворчасці. Кан мае грамадзянства ЗША, Расіі і Ізраіля.

Паводле версіі следства, праз гэтыя кампаніі бізнэсмен удзельнічаў у схемах па набыцці і продажы соцень тысяч чыпаў, а таксама тэхналогій з ЗША для расійскага навукова-вытворчага цэнтра «Электронныя вылічальныя інфармацыйныя сістэмы» (АТ НПЦ «Элвіс»). Прадпрыемства займаецца распрацоўкай мікрасхем для сістэм сувязі і тэлекамунікацый.

Федэральныя пракуроры сцвярджаюць, што гэтыя дзве кампаніі фактычна з’яўляюцца адным і тым жа прадпрыемствам, і што ад 2017 да 2023 года яны вывезлі з ЗША больш за 290 тысяч адзінак мікраэлектронікі і іншых тавараў. Згодна з фінансавымі дакументамі, у перыяд ад 2012 да 2022 года бізнэс Кана атрымаў ад цэнтра і звязаных з ім арганізацый больш за $37 мільёнаў, у тым ліку больш за $2,1 мільёна ў 2021 і 2022 гадах, сцвярджаюць пракуроры.

Ад 2022 года цэнтр знаходзіцца пад амерыканскімі санкцыямі праз «крытычную ролю ў садзейнічанні расійскім вайскоўцам у варванні ва Украіну». Мінюст ЗША лічыць, што экспарт тэхналогій адбываўся да і пасля пачатку вайны ва Украіне. Напрыклад, у 2019 годзе Кан экспартаваў некалькі мікрасхем амерыканскай вытворчасці ў НПЦ «Элвіс». У 2022 годзе ён перадаў прадпрыемству кантролеры і радыёперадатчык праз ганконгскую фірму, не маючы на гэта экспартнай ліцэнзіі.

Кану пагражае максімальнае пакаранне да 20 гадоў турэмнага зняволення, калі ён будзе прызнаны вінаватым па ўсіх пунктах абвінавачвання. Справу расследуюць ФБР і Бюро прамысловасці і бяспекі Міністэрства гандлю пры садзейнічанні пракуратуры ЗША па Цэнтральнай акрузе Каліфорніі.

Чытачы, што для вас dev.by?

• Месца сустрэчы з суполкай?
• Крыніца навін аб ІТ Беларусі (і не толькі)?
• Крыніца любых навінаў?
• Месца для дыскусіі?
• Пляцоўка для адукацыі і абмену досведам?
• Кар’ерны кансультант?
• Можа, усё вышэйпералічанае. А можа, нешта іншае?

А хто вы для dev.by?

Супольнасць, якая развівае беларускую ІТ-індустрыю і робіць яе поўнай таленавітых праектаў, цікавых дыскусій і навін. Мы тут, каб трымаць вас у курсе гэтых прыгод. dev.by для нас — гэта ўсё вышэйпералічанае, а яшчэ — праца. Падтрымайце нашу рэдакцыю!

Вашы грошы даюць нам магчымасць аплачваць працу журналістам, менеджэрам, распрацоўшчыкам, прадзюсарам — усім тым, хто робіць dev.by.

Падтрымаць нас можна:

— Праз Patreon

— Праз Donorbox (калі вы ў Беларусі)

— Крыптой, тут гаманцы. 

Дзякуй!