Міністэрства юстыцыі ЗША сцвярджае, што створаны зламыснікам батнэт заразіў больш за 19 мільёнаў IP-адрасоў ва ўсім свеце. Адміністратару сеткі пагражае да 65 гадоў турмы.
Міністэрства юстыцыі ЗША сцвярджае, што створаны зламыснікам батнэт заразіў больш за 19 мільёнаў IP-адрасоў ва ўсім свеце. Адміністратару сеткі пагражае да 65 гадоў турмы.
Следства лічыць, што 35-гадовы грамадзянін КНР Юнь Хе Ван, як мяркуецца, дапамагаў кіраваць міжнародным батнэтам, які выкарыстоўваў праграмы VPN для заражэння прылад. Сетка складалася з заражаных хатніх камп’ютараў пад кіраваннем Windows ва ўсім свеце. Шкодны софт распаўсюджваўся праз такія праграмы, як MaskVPN і DewVPN. Таксама падазраваны мог прадаваць доступ да скампраметаваных IP-адрасоў.
Ван атрымаў па інвестыцыйнай праграме грамадзянства Сент-Кітс і Нэвіс. Схема дзейнічала ад 2014 да ліпеня 2022 года і прыносіла зламыснікам прыбытак да $100 мільёнаў, якія яны трацілі на «куплю раскошных аўтамабіляў, гадзіннікаў і нерухомасці». Паводле даных Міністэрства юстыцыі ЗША, каля 560 тысяч ашуканскіх страхавых прэтэнзій паступілі са скампраметаваных IP-адрасоў, што прывяло да страт на суму большую за $5,9 мільярда.
Паводле слоў генпракурора Мерыка Гарланда, батнэт 911 S5 «спрыяў кібератакам, буйнамаштабнаму махлярству, эксплуатацыі дзяцей, пераследам, пагрозам і парушэнню экспартных правілаў». ФБР працавала сумесна з міжнароднымі партнёрамі над аперацыяй. Раней амерыканскія ўлады заявілі пра закрыццё хакерскага рэсурсу BreachForums, аднак пазней на ім выставілі на продаж базу са звесткамі 560 мільёнаў кліентаў білетнага аператара Ticketmaster.
Рэлацыраваліся? Цяпер вы можаце каментаваць без верыфікацыі акаўнта.