Федэральная гандлёвая камісія (FTC) ЗША ўхваліла бан на пагадненні, якія забараняюць супрацоўнікам пераходзіць на працу да канкурэнтаў іх працадаўцаў або запускаць свае кампаніі-канкурэнты, паведамляе Reuters. Рашэнне было прынятае ў аўторак галасаваннем, «за» выказаліся 3 сябры Камісіі, супраць — 2.
Федэральная гандлёвая камісія (FTC) ЗША ўхваліла бан на пагадненні, якія забараняюць супрацоўнікам пераходзіць на працу да канкурэнтаў іх працадаўцаў або запускаць свае кампаніі-канкурэнты, паведамляе Reuters. Рашэнне было прынятае ў аўторак галасаваннем, «за» выказаліся 3 сябры Камісіі, супраць — 2.
На думку FTC, пагадненні, якія кампаніі нярэдка прымушаюць падпісваць супрацоўнікаў, абмяжоўваюць іх кар’ерную мабільнасць, перашкаджаюць ім прэтэндаваць на вышэйшую зарплату і ў цэлым парушаюць іх базавыя эканамічныя правы і свабоды.
Новае правіла было ўпершыню прапанаванае ў студзені 2023 года. Яно ўступіць у сілу ў жніўні.
Паводле прагнозаў камісіі, забарона пагадненняў пра неканкурэнцыю прывядзе да сумарнага павелічэння заробку супрацоўнікаў аж да $488 млрд на працягу найбліжэйшага дзесяцігоддзя, а таксама з’яўлення больш як 8500 новых бізнэсаў на год.
Сябры Камісіі, якія выказаліся супраць, адзначаюць, што федэральны закон не дае ёй паўнамоцтваў уводзіць забароны на практыкі, якія, як ёй здаецца, шкодзяць канкурэнцыі.
Навіну падтрымалі прафсаюзы. Аднак прадстаўнікі бізнэсу ўжо раскрытыкавалі яе, паколькі падобныя пагадненні, паводле іх слоў, граюць важную ролю ў абароне камерцыйнай таямніцы і наадварот спрыяюць канкурэнцыі.
Гандлёвая палата ЗША заявіла, што будзе аспрэчваць новае правіла ў судзе. А таксама назвала «небяспечным прэцэдэнтам мікраменеджменту бізнэсу ўрадам», які можа нашкодзіць працадаўцам, працаўнікам і эканоміцы.
Паводле новага правіла, кампаніі павінны будуць скасаваць такія бягучыя пагадненні і апавясціць былых і цяперашніх супрацоўнікаў аб тым, што яны несапраўдныя. У Палаце адзначаюць, што рэтраспектыўны характар навіны пазбаўляе яе юрыдычнай сілы.
Рэлацыраваліся? Цяпер вы можаце каментаваць без верыфікацыі акаўнта.